*وصفات سريعة ..للسيدات العاملات**

انا حبيت اعمل وصفات سريعه للسيدات العاملات لمساعدتهم على تخطى حاجز الوقت بين عملهم والاكل اليومى
ارجو انها تنال رضاكم
ولا تنسوا تقييم الموضوع والدعاء لى بالهداية وانصلاح الاحوال

ملحوظة

- لازم لو ح تعملى على الغداء فراخ او لحمة مشوية على الجريل لازم تنقعيها فى التتبيلة من قبل بيوم وتجهزيها للشوى على طول

- الخضار الطازج اول ما تشتريه قطعيه كله و حطيه فى كياس فى الديب فريزر ويبقى جاهز على الطبخ على طول

- بالنسبة للحمة المفرومة ممكن تعصجيها كمان وتحطيها فى كياس على اد الطبخة الواحدة وكمان تكون جاهزة للطبخ

- و الثوم افرميه وحطيه فى برطمان زجاج محكم الغلق ورشى عليه شوية زيت على الوش عشان ما يسودش ويبقى جاهز للاستخدام

- والبطاطس المحمرة ممكن تقطعيها وتقليها نص قلية وتحطيها فى الفريزر بعد ما تبرد طبعا وتستخدميها عند الحاجة للقلى

- وبالنسبة للفراخ او اللحم المحمر البوفتيك ممكن تتبليه بالبيض و البقسماط وتحطيه فى طبق من الفل و تحطيه فى الفريزر ويستخدم فى اى وقت

- ممكن تسلقى فراخ وتفصصيها وتشيليها فى الفريزر جاهزة لاى سندوتش او صينية نجرسكو او شاورما الدجاج وتتعمل فى ثوانى

- الشوربة الناتجة عن سلق اللحمة او الفراخ ممكن تتشال فى كياس محكمة الغلق فى الفريزر لحين استخدامها بعد كدا فى اى وقت وكمان دى من ضمن الحاجات الى بتوفر اوى فى الوقت