يوميات بوسى كات مع ارجيم

تذكير بمساهمة فاتح الموضوع :





اختى الصفصوفة هنا فقط على هذا المنتدى الرائع سأبدء من اليوم الاثنين الموافق11\6\2011 م
فى كتابة يومياتى مع الرجيم او بمعنى ادق اعلان الحرب على زيادة وزنى المفرطة ولاكن احب ان اكتب معاناتى مع السمنة وهى .........
فعلا وبكل معنى الكلمة تعتبر مأساه انا سنى 40سنة متزوجة وعندى ثلاثة اطفال فى عمر الزهور 16 و14 و10 سنين وكلهم صبيان وانتو عارفين المسؤليه
بدئت مشكلتى مع السمنة وانا فى الصف الثانى الثانوى عندما ذهبت مع عمتى لشراء الزى المدرسى وكانت مفاجئه حزينة بالنسبالى ان مفيش لبس على مقاسى والبائع قال لعمتى اعملى رجيم لبنتك وكنت محرجة منها جدا
جدا المهم من اليوم التعيس ده وانا بحاول اعمل رجيم مرة اخس ومره اتخن ومرت المرحلة الثانويه ثم مرحلة الجامعة وبدئت اصمم انى لازم اخس وكنت اول مرة اشترى فيها ميزان وكان وزنى ساعتها 95 كيلو وكانت امى حزينة جدا جدا على الحالة اللى وصل عليها جسمى لانى بنت وحيدة على اربع صبيان ومنحنى الله قدر كبير من الجمال المهم مفيش سنة بعد التخرج واتخطبت وكمان 6 شهور وتم الزواج وحاولت فى فترة الخطوبة انى اعمل رجيم وكان خطيبى يحاول تشجيعى بكل الطرق
ويمدح فى جمال وجهى ولاكن دون فائدة وتزوجت وبدأت مرحلة الحمل والرضاعة حتى وصل وزنى قبل 7

سنين 125 كيلو وهنا وقفت مع نفسى لاول مرة وصممت اعمل عملية تجميل فى منطقة البطن والزراعين وفعلا نجحة العملية وتابعت مع طبيب نظام غذائى كيميكل وخسيت جدا جدا ووصل وزنى 83 كيلو ااااااااااااه والله العظيم خسيت 42
كيلووووووووووو والدكتور قالى ساعتها ان جسمك كدة جميل ونثبت بقى فطلبت منه انى انزل 5كيلو كمان عشان لو رفعو بعد التثبيت يبقى معنديش مشكله ولا تتصورو سعادة امى بى لانها ليست امى فقط ولاكن كانت لى الاخت والام والصديقة ..............
وفاجئة وبدون مقدمات ماتت امى اثناء اجراء عملية جراحية بسيطة جدا وحزنت فى ذلك الوقت حزنا


كاد يقضى على حياتى كلها وبعدها بأقل من اسبوع ماتت جدتى لامى وكنت احبها جدا ومع كل الظروف الصعبة دى تركت الرجيم وطلعت حزنى وهمى فى الاكل بل وبشراهه وزاد وزنى من 83 وحتى الان الى 140 ك وطبعا كانت هناك محاولات كثيرة

انى اعمل دايت وكل محاولة تنجح وابدء اخس كانت بتحصل عندى ظروف اترك بسببها الدايت لانى من النوع اللى لما يزعل يأكل بشراهة وما اكثر هذة الظروف معايا
ولاكن من حوالى شهر ونصف تقريبا اتعرفت من خلال اشتراكى فى منتدى من المنتديات بمجموعة جميلة من البنات ربنا يكرمهم بدئت تشجعنى انى ابدء من جديد وفعلا بدئت وبدء وزنى ينزل وخسيت حتى الان 5كيلو هما كانو 7 بس للاسف زاد وزنى 2 ك خلال هذة الفترة و قد اخذت على نفسى عهد امام الله انى اخس على نهاية 2011 ال40كيلو اللى فوق الميه رربنا يقوينى لانى فعلا تخنى اثر على صحتى مرض جسمى وتعبت ساقى حتى ان اخر دكتور روحتلة قالى ان رجلى

جابت اخرها خلاص لانى اعانى من دوالى الساقين ومن الخشونة ومن التهاب المفاصل
والتهاب فى فقرات الظهر وخلل فى الهرمونات بسبب ذهابى لطبيب ليس مختص اعطانى ادوية تخسيس غلط الله يسامحو0 وولادى دائما يقارنونى بسلفتى ونفسهم ابقى رفيعة زيها ههههههههههه

وطبعا شكلى امام زوجى دائما باحس ان فى حاجز بينى وبينة بسبب تخنى بالرغم انى بحاول انى مظهرش امامة انى تعبانة او مش قادرة اقف على رجلى
وهو نفسة سنين طويله طلب منى انى اخس ولاكن دون فائدة لحد ماتعب وبطل يتكلم معايا فى موضوع الدايت .......................
وانا طبعا بحكى قصتى هذة ليست لطلب الشفقة ولاكن لكى تكون عبرة لكل البنات فى المنتدى حتى يلحقو نفسهم

والموضوع مايخرجش من ايديهم زيى واخيرا ارجو من كل اخت فى المنتدى ان تدعو لى بان يعفو عنى ربى من هذا البلاء العظيم والسلام عليكم ورحمة الله وبركاتة
اااااااااااااااااه اخيرا قولت اللى فى قلبى وفضفت براحتى هههههههههههههههههههههههه



و بالامس فقط ومع وقفة جادة مع نفسى قررت ان ابدأ فكتبت هذا الموضوع ليكون شاهدا على هذة التجربة التى ستغير حياتى كلها بأذن الله تعالى
وسأكتب هنا يومياتى وبالتفصيل الممل قد بدأت فعلا من امس فى اتباع هذا النظام الغذائى وهو كالاتى :---


الرجيم الثلاثي ... تحدي نفسك و اخسري اكثر من 30 كيلو في 12 يوم


طبعا انا لو خسيت عشرة كيلو هايبقى رضى من عند الله سبحانة وتعالى

*** هذا رجيم قليل السعرات الحراية .... صاحبة الرجيم بلغت خسارتها للوزن مقدار 32 كيلو جرام فهل أنتِ صاحبة أرادة حديدية فإذن تحدي نفسك .

الثلاث الايام الأولى : فقط روب وخيار كل ماجعتي

الثلاث الأيام الثانية فقط خضار مثل ماتشتهين (طازج-مسلوق-مشوي)

الثلاث الأيام الثالثة فقط فاكهه بأستثناء الممنوعات مثل الموز المنجا التين العنب التمر و الرطب

الثلاث الأيام الرابعة فقط بروتين فقط (بيض مسلوق-شرائح لحم -دجاج مشوي او مسلوق-سمك
تونه - فطر - مع شرب كمية كبيرة خلال البرنامج تحدي نفسك.



اخواتى الحبيبات الباحثات عن الرشاقة من تجد فى نفسها الحماس وحب التحدى انها تبدامعايا تتفضل تشترك وحتى لو بقيت لوحدى برضو انا هاكتب كل يوم
و كلى حماس وثقة بالله سبحانة وتعالى انى بأذن الله على نهاية سنة 2011م هاكون وصلت للوزن اللى بتمناه ان شاء الله
وعلى فكرة يا صفصوفاتى انا بدئت من مدة فى الدايت بس انا حبيت انقل موضوعى هنا وبالتحديد بدأت بتاريخ 31\5\2011م
والحمد لله خسيت 10 كيلو فى البداية واصبح وزنى 130ك
ثم شجعنى اخى ان اذهب الى دكتورة علاج طبيعى وتخسيس وفعلا بدئت معاها من يوم
ظام الاسبوع الحالى يبدء من الاحد الى السبت بأذن الله
الافطار اليومى \\\ نصف برتقالة او نصف عصير جريب فروت + من 1 --------2 بيضة مسلوقة

الاحد \\\\
الغدا--- دجاج مسلوق او مشوى يراعى نزع الجلد نهائيا + طماطم + برتقالة او جريب فروت
العشا --- 2 بيضة مسلوقة + سلطة + ( توست ) او رغيف سن محمص + برتقالة او جريب فروت
الاثنين \\\\ الغدا --------- جبنة بيضة بدون دسم او ملح + واحد توست + طماطم
العشا ------- لحم مشوى شرائح او مفروم بدون دهن
الثلا ثاء \\\\ الغدا فاكهة صنف واحد باى كمية كما سبق
العشا - لحم مشوى وسلطة
الاربعاء \\\\الغدا---- 2 بيضة مسلوقة + خضار مسلوق بماء ( كوسة او فاصوليا او سبانخ )
العشا ----------- سمك او جمبرى ( مسلوق او مشوى ) او تونة مصفاة من الزيت او مغسولة )+ برتقالة او جريب فروت
الخميس \\\\ الغدا فاكهة صنف واحد باى كمية كما سبق
العشا - لحم مشوى وسلطة

الجمعة \\\\ دجاج مسلوق او مشوى + خضار مسلوق + طماطم +واحدة فاكهة مما سبق

السبت \\\\\
الغدا فاكهة صنف واحد ( برتقال -- يوسفى --- فراولة --- كمثرى --- تفاح -----خوخ ---شمام ) الكميه مفتوحة
العشا \\\ لحم مشوى شرائح او مفروم بدون دهن
المهم خلصت اول شهر مع الدكتور ونزلت 7 كيلو كمان بفضل الله واصبح وزنى الان123 ك وروحتلها تانى اعطتنى النظام ده لمدة 15 يوم وهو كالاتى
الفطار اليومى \\\ تفاحة + زبادى + نيسكافية او شاى بلبن بملعقة واحدة سكر
بين الوجبات عصير فرش بدون سكر
الغدا \\\\ سلطة + خضار نى فى نى
واللحمة مرتين بس فى الاسبوع
العشا \\\\ قطعة جبن قريش وسلطة
وبعد ساعة نسكافية وان شاء الله هادخل كل يوم من بكرة اكتب يومياتى بالتفصيل

مساء الرشاقة فين اليوميات يا حلوين انا وصفا بس والكل خس فاجئه ههههههههههههههههههههههههههههههه

مساء الفل على صفصوفاتى الحلوين انا اتأخرت شوية اصل كان اخويا عندى
الفطار \\\ نسكافية + كانتالوب
بعد ساعة اخدت تفاحة + زبادى
الغدا \\\ ربع فرخة مسلوقة + فاصوليا دايت نى *نى
وحالا بشرب نسكافية
العشا ان شاء الله تفاحة

ريجيم ينقص 8 كيلو فى 10 ايام
بصو يا قمرات انا قررت ا نفذ الرجيم ده من بكرة بأذن الله عشان نفسى اكسر عقدة 125 قبل رمضان ان شاء الله ادعولى بقى ربنا يقوينى
اليوم الاول : اي صنف البان منزوع الدسم ( لبن زبادي - لبن حليب - لبن رايب -جبن قريش )+خيار او خس ولكن صنف واحد فقط طوال اليوم اي اذا بدات جبن قريش+خيار تكملي اليوم كذلك وتقسمي علي 3 او 5 وجبات وباي كميه تريدين .

اليوم الثاني : فاكهه صنف واحد طوال اليوم علي 3 او 5 وجبات باي كميه تريدين ولكن احذري في 5 فواكه ممنوعه (المانجو والموز والبلح والتين والعنب ).

اليوم الثالث : مثل الاول .

اليوم الرابع : مثل الثاني .

اليوم الخامس : اي صنف بروتين (سمك او دجاج او لحوم او بيض ) +خيار او خس طول اليوم ولكن صنف واحد فقط مثل( سمك مع خيار )
علي 3 وجبات واي كميه تريدين.

اليوم السادس : خضروات مسلوقه في ماء فقط دون اي شوربه او مكعبات ويمكنك وضع التوابل والملح كما تريدين ووزعيها علي 3 او 5 وجبات
ماعدا (البطاطس والبطاطا والبسله والقلقاس والبقوليات).

اليوم السابع : فواكه مشكله ماعدا ال5 الممنوعين طوال اليوم علي 3 او 5 وجبات وباي كميه .

اليوم الثامن : مثل الاول .

اليوم التاسع : سلطه خضراء طوال اليوم علي 3 او 5 وجبات باي كميه .

اليوم العاشر: مثل الثاني.

بعد انتهاء اليوم العاشر يكون راحه لمدة يووووم واحد

التعليمات
1- ممنوع السكر تماما (ممكن سكر دايت مع الشاي او القهوة )
2- شرب الماء كما تحبين في اي وقت
3- عصير الليمون فقط مسموح به في او وقت دون سكر او بسكر دايت

ملخص الميزان عشان القمرات يعرفو قد ايه تعبى خطوة بخطوة



1



انهاردة اتوزنت بعد اليوم السادس وبفضل الله تعالى خسيت 3ك الحمد لله
ومن اليوم هابتدى فى ال 3 ايام الفاكهة يا مسهل يا رب

نسيت اقولكم الوزن السابق 140 واصبح 135 ك[/quote]

2


انا خسيت كيلو ونص تانى الحمد لله يبقى كدة 4 كيلو ونص فى 10 ايام رضا من عند ربنا


3


وانا كدة 130 ك بالظبط هنا وعندها يبقى خسيت فى ال 12 يوم 5 كيلوووووووووو الحمد لله

4

والوزن الحالى 127.ك ونص


5


على فكرة يا قمرات بفضل الله انا وزنى نزل تانى واصبح 125 بعد 140ونص بس اخدت فترة طويلة فى اول عشرة كيلو عشان كنت بلغبط كتير ومش وخداها جد
بس الخمسة كيلو الاخر نزلو فى ثلاثة اسابيع

اليوم الجمعة الموافق 15\7\2011م

مساء الفل على الصفصو فات الفطار \\\
الغدا \\\\\\
العشا \\\\\\ كله زبادى وخيار + نسكافية

تقريرى انهاردة يا قمرات
الفطار \\\\ بطيخ ونسكافية
الغدا \\\\ ملوخية وفراخ
العشا \\\ كانتالوب ونسكافية
انا عارفة انى لغبط فى النظام المكتوب بس مقدرتش التزم باليوم كله فاكهة فدخلت معاها ملوخية وفراخ

مساء الخير يا قمرات انا انهاردة لغبط خالص واكلت رغيف حواوشى وطبق مكرونة وسط
ولسه حالا اكلة نص رغيف تانى ودا غير الفطار اكلت قراقيش بجبنة قديمة انا عارفة نى بوظت الدنيا ومكتئبة جدا جدا

السلام عليكم مش عارفة ايه اللى حصلى يا بنات الاسبوع ده كلة يوم حلو ويوم لغبطة

مساء الرشاقة انا طعا اليومين دول مقصرة بس والله مشغولة على اخرى فى الشقة قبل رمضان كل سنة وانتم طيبين وبردو الرجيم بايظ على الاخر ربنا يسترررررررررر

معلش يا بوسى

ماهو احيانا بيبقى كدة فى الدايت

انتى متحبطيش نفسك وحاولى تكملى بحماس

وربنا معاكى

السلام عليكم ازيكم يا صفصوفاتى الحلوين وحشتونى
انا الحمد لله بعد عك اسبوع او اكتر بدأت تانى انهاردة

بس للاسف زدت كيلو ونص يلا تتعوض باذن الله

لالالالالالالالالالالالا تعليق

الفطار \\\\\ نسكافية
بين الوجبات \\\\\\ طبق سلطة خضراء صغنون
الغدا \\\\\\ بأذن الله هايكون سلطة + تونة

الحمد لله يا بنات اليوم لحد الوقت تمام بس شربت نسكافية + شاى فى شاى

مساء الرشاقة يا صفصوفاتى انا صايمة من امبارح ومدمرة بس اعمل ايه فى الخيبة بتاعتى هههههههههههههههههه

الفطار \\ كنت صايمة وفطرت ملوخية دايت + فراخ
وحالا \\ بسبوسة +كنافة
كان عندى ضيوف

ربنا معاكى يا بوسى





ممكن تقولى لنا بتمشى يومك فى رمضان ازاى

عشان نعرف؟؟؟؟؟؟؟؟؟

وانتى طيبة يا ام عتريس
انا يا ستى اخدت كبسولة اورلستات
وعصير ليمون بسكر دايت + سلطة خضراء+ ربع فرخة
وحالا شربت نسكافية + قطعة بسبوسة نونو
السحور ان شاء الله \\\6 ملاعق فول بدون زيت + سلطة

السلام عليكم ازيكم يا قمرات
الفطار \\\\ سلطة + لحمة + اربع اصابع محشى
وشاى بسكر عادى+ونسكافية ببديل سكر

انا كنت معزومة امبارح على الفطار والحمد لله مسكت نفسى بس طبعا تزوقت من كل حاجة

طبعا انا مستهبلة على الاخر وربنا يستر ومزيدش فى رمضان

السلام عليكم ازيكم يا رشيقات المستقبل طال غيابى عنكم بس والله معرفتش اعمل رجيم وانا صايمة خااااااااااااااااالص ورجعتلكم تانى بعد ما اكلت الفسيخ والرنجة وحاجة العيد الجميلة وكمان مع زيادة اربعة كيلو ههههههههههههههههههههههههههههههههه
وان شاء الله تعالى هابدأ تانى من بكرة الاحد فى الرجيم بتاعى بس لسه معرفش هابدأ بأية ربنا يسهل

انا قرفانة من نفسى اوى يابوسى

يعنى انا زدت من اول الحمل حوالى 8كيلو وانا لسه هبدأ السادس اومال بعد كدة هعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟





دبرنى ياوزير

السلام عليكم انا فشلت فشل كبير فى البداية انهاردة وامبارح ادعولى اعرف ابدأ بكرة