ا
بسم الله الرحمن الرحيم
السلام عليكم ورحمة الله وبركاتة
صفصوفاتى الغالين انهاردة اللبن بغليه اكتشفت انه رايب ففكرت اعمل بيه حاجة حلوة ودى مش اول مرة طبعا بس الجديد انى فكرت اصورة وانقله لعيونكم
وانا عارفة ان فى كتير من بناتى بترمى اللبن الرايب ومش بتعرف تصرف فيه
المهم انا يا ستى ضربته فى الخلاط ورجع بشكله السايل تانى وبعدين عملت بيه مقدارين من الكيكة كالاتى
المقادير \\\\
5 بيضات + كوب ونص سكر + فانيليا + باكو بكنج بودر + بشر برتقالة
كوب لبن + نص كوب زيت على سمن + كوبيتين من الدقيق
الطريقة \\\\\\\
نضرب السكر والبيض جيدا مع اضافة الفانيليا حتى يصير اللون ابيض وله رغوة
نضيف الزيت والسمن مع استمرار الضرب ثم اللبن ثم الدقيق المنخول مع البكنج بودر و بشر البرتقالة
نصب الخليط فى صنية مدهونة بالزيت ومبطنه بالدقيق ويسوى فى فرن فى الرف الاوسط وبالهنا والشفا ودى شكل الكيكة ايه رأيكم بقى
ودى صورة من قريب بالزمة مش تجنن
وكمان عملت منين وطلع تحفة بجد تعالى وشوفى
المقادير \\\\
2 كيلو دقيق
4 كوب سمن
1 كوب زيت
مقدار من السمسم والشمر
قطعة خميرة + باكو بكنج بودر
2 معلقة شاي سكر سنترفيش
لبن للعجن + قليل من الماء الدافىء للخميرة
قليل من الملح
الطريقة :
-
-نحط الخميرة مع السكر و ندوبها في الماء الدافيء و نسيبها شوية لحد ما تخمر
-ننخل الدقيق مع الملح و نحطه في طبق العجين ونضيف عليه السمن والزيت ويبس جيدا جدا جدا ودى اهم خطوة
نضيف اللبن والخميرة المزابة فى الماء الدافىء والسكر وتعجن جيدا
-نغطي العجينة و نخليها في مكان دافيء لحد ما تخمر
ودا جزء من العجينة وحالا هانبدء بالتشكيل
-نأخد قطعة من العجين في حجم قبضة اليد و نفردها على شكل مستطيل و نضغط على العجين و نقطعه بالسكينة على شكل صوابع أو نشكله بأي شكل تاني
و نرصه في الصواني و ندهن الوشبالبيض واللبن بالشكل ده ونرش الوجة بالسمسم او بالشمر و نخلي المنين يخمر تاني
[img][/img]
-ندخل الصواني فرن متوسط الحرارة لحد ما يستوي
و بالهنا و الشفا ودى بقى الصور وانتو احكمو بنفسكم
[img][/img]
ارجو ان ينال موضوعى اعجابكم يا قمرات