تورته الجيلى ادخلوا بسرعه جدا

ازيكو يا أحلى فتوكات أنا النهاردة جبتلكم مقادير وطريقة عمل تورتة الجيلى اللى دايما بعملها فى الصيف عشان الحر بس التورتة دى كانت فى عيد ميلاد بنتى مريم
(ده الدلع بتاعها مرمر



المقادير
2كوب دقيق
1كوب سكر
5بيضات
1ملعقة صغيرة بيكنج بودر
ا كيس فانيليا
ذرة ملح
للتغطية والحشو
3باكو جيلى فراولة
كريم شانتية
وأنا كنت حطة من فوقها كمان عصفورتين

الطريقة
نقوم بضرب ال5 بيضات مع ذرة الملح حتى يتضاعف الحجم ويمتلئ بالهواء
نضيف السكر ونخفقه حتى يذوب مع البيض ويمتزج معه ثم نضيف الفانيليا فى الأخر عشان ما تمررش الطعم
نضيف الدقيق والبيكنج بودر المنخولين للخليط السابق و نخلطهم جيدا
يصب الخليط فى صينية مبطنة بالزبدة ومرشوش عليها دقيق طبعا حتى لا تلتصق الكيكة

(معلش يا فتوكات المعلومة دى للمبتدئات متزعلوش عارفة ان كلكم أساتذة مطبخ وبنستفيد من بعض )


تخبز الكيكة فى درجة حرارة 180 لمدة ربع ساعة أوتلت ساعة ولا يفتح الفرن قبل ربع ساعة حتى لا تهبط الكيكة ثم ترفع على الرف العلوى من الفرن حتى تنضج
التزيين بالجيلى
اعملى الجيلى عادى بالطريقة المكتوبة على العلبة واتركيه يبرد قليلا
فى نفس الصينية اللى عملتى فيها الكيكة صبى جزء من الجيلى بارتفاع 2 سنتيمتر ودخلى الصينية الفريزر تجمد وباقى الجيلى سيبيه برة مش فى التلاجة
بعد ان يجمد الجيلى اللى فى الفريزر خرجيه واقسمى الكيكة من المنتصف وحطى نصف الكيكة على طبقة الجيلى بحيث ان الجزء الأملس يكون فوق الجيلى
اسقى نصف الكيكة بشوية جيلى عشان تكون طرية من الداخل
ضيفى تلت الكريم شانتيه على نصف الكيكة اللى سقيتيه جيلى
ثم اضيفى النصف الثانى من الكيكة واسقيه بشوية جيلى وصبى الجيلى من الجوانب عشان الكيكة تكون مكسية بالجيلى

ادخليها الثلاجة مش الفريزر عشان الكيكة متتجمدش
الخطوة الأخيرة والمهمة
خرجى الكيكة من التلاجة ويستحسن تعمليها الصبح عشان تلحق تجمد
وحطيها فى حمام مياه ساخنة
(هاتى صينية أكبر من اللى فيها الكيكة وحطى فيها مياه ساخنة ثم مررى صينية الكيكة عليها بحرص عشان المياه متدخلش للكيكة)لما تلاحظى ان الجيلى بدأ يحل من الحواف ارفعى صينية الكيكة واقلبيها على طبق التقديم
وزينيها بالكريم شانتيه المتيقى
وده الشكل النهائى لتورتة الجيلى بنوعين من الزينة







جربوها وبالهنا والشفا

ولا تنسونى بالتقييم وصالح الدعاءبالله عليكم

ياسيدى يا سيدى يابتاع التورتات انت تسلمى