[center]
بسم الله الرحمن الرحيم
اهلا وسهلا بصفصوفاتى الغالين
النهاردة جايبالكو اكلة جديدة من مطبخ الدلوعة اللى هى بوسى زى منتو عارفين
ونبدأ بالمقادير
المقادير
حمام بعدد افرد الاسرة او حسب الرغبة
كوب فريك او حسب عدد الحمام
معلقة صغيرة ملح وبهارات و معلقة كبيرة كمون
الكبد والقوانص بتاعة الحمام بعد تقطيعهم لقطع صغيرة
بصله كبيرة او بصلتين متوسطتي الحجم
معلقة صغيرة فلفل اسود وورق لورا 2 فص حبهان +2 فص ثوم + 2 ملعقة كبيرة سمنة + سمن وزيت للتحمير
معلش الحمام صغنون لانو من تربية ايدي هههههههههههههههههه
الطريقة
قومي بتشويح البصل والثوم فى السمن مع اضافة الكبد والقوانص
اضيفي الفريك المغسول والمصفي جيدا من الماء الي البصل والثوم
اضيفي البهارات والملح
اضيفي نصف كوب ماء لتسوية الفريك نصف تسوية ويترك ليبرد ثم جهزي الحمام ودى الصورة بعد غسل الحمام جيدا وتجهيزه للحشوووو
دي صورة الفريك بعد تجهيزة للحشو
احشي من الاسفل ومن عند الرقبة بشرط انك ماتمليش الحمامة بالحشو لأن الفريك يينفش وبيذيد فى الماء اثناء السلق
خيطي الحمام وانا بفضل خياطة عن الخلة
ودي صورتة بعد الحشو والخياطة
ضعي الحمام فى ماء مغلي وبصلة صغيرة واوراق اللورا وملح كمون مع ملاحظة ان نكون الحلة كبيرة علشان لو الحلة صغيرة على الحمام ممكن رجلين الحمام يقطع الحمام اللى جنبة على النار
بعد مايستوي الحمام وينشل فى صنية فرن ويحمر تحت الشواية من الجهتين
ودي صورتو بعد ماطلع من الفرن ورشيت عليه البقدونس للتجميل
وانا قدمت معاه بطاطس محمرة ومخلل وسلطة خضراء وكمان طبق من الفريك بعد تكملة السوا
وتفضلو بالهناء والشفاء
واتمنى ان الموضوع ينال اعجابكم
الثلاثاء 13 أغسطس 2013, 4:29 am من طرف 
موضوع: حمام محشى فريك من مطبخ بوسى 
