ازاى تشترى الخضارواللحمه

تعالى وانا اقلك تشترى الخضار ازاى
االملوخيه:
لازم تكون عروقها قصيره بتبقي معسله

بلاش الطويله الهابله بتبقى ماسخه وملهاش طعم

الطماطم:
وفى الايام دى لازم تشيلى الحته الخضرا وتبصى تحتيها
علشان بتبقى مسوسه وباسظه مع انها من برخ زى الفل[/size]

الكرنب:
هتخبطي علي الكرنبه كده زي البطيخه والشمامه لوملاينه اتصنتى

كده هاتلاقيها مش بتعمل صوت اوى ولو فاضيه هاتصوت

واوعى تاخدى الى ورقها اخضر اوى كتير ولا الكرنب البطه وحش وطعمه ياساتر يارب

القلقاس:
هاتى الناعمه اما ناشف شويه مش بيستوي بسرعه وكمان مفيش

حاجه اسمها دكر والكلام ده

هتعرفيها ازاي هاتلاقيها مليانه ومدوره مش مسطيله ولا مليانه قشور

وخشنه دى مش بتستوى وبتكلع واحده وواحده
الارنبيط:

هنختار الحلو المليان المكلبظ كده ويكون قريب من بعضه مفيهوش

فراغات لان الى فيه فراغات ده دابلان وطعمه ماسخ ولونه كمان مهم

ميبقاش اسود كدخ دخ مش بيبقى طينه زى مالبياع بيقولك لا ده بيبقى

بايظ ووكلاه الدود ومأثره عليه

البتنجان:
هاتى السودا اوى والخفيفه
التقيله بتبقي ملانه بزر ومره وكمان اختارى الجامده مش الطريه بتبقى مبزره وهلى بالك الورقه الخصرا تبقى مزهزها مش دبلانه

البطاطس:

بطاطس التحمير تلاقيها تخينه جلدتها وعليها طينه وهاتيها الطويله علشان صوابعا تبقى متساويه

وبطاطس الصواني جلدها رفيع وبتلمع كده وهاتيها المدوره علشان تقطعيها ترنشات

وبصلا فيها وقلبيها كده احسن بتبقى مسوسه من جوه

البصل:

اختاري البصل الى بيلمه بلاش الى لازق فى بعضه وتفرحى بيه وتقولى التوأم
ههههههههههه لا يا فالحه ههههههههه ده بيبقى فيه حاجات سودا زى البودره
وحامى جدا ومش حلو

الجزر:

الصغير الى لونه جميل مش المتختخ ده ولا المعوج ولا الى لازق فى بعضه بيبقى ماسخ

الخيار:

بلاش منه دلوقتى بعد مانطمن على المرض الى فيه اللهم احفظنا

هانقى الاموره الصغنونه السليمه الرفيعه

بلاش الشوم ده بيبقى مليان بذر وبيشرب ميه ومرر

الكوسه:

لو للمحشى هاتى المقلبظه شويه علشان التقوير ولو للطبيخ هاتى الصغيره الحلوه

وهاتكون خضرا كده مش الى بيتحارب بيها دى الشجره كلها مش كوسه يالهوى هههههههه

اللحوم

السمك:
لازم يكون خيشيمه لونها احمر تعرفي انه طازج والاحمر يكون ملعلط مش مكركروم

لو لونها بني مايل للحمار تبقي بقالها يومين او اكتر

لو لونها بني غامق دي بقالها اكتر من 3 ايام ودوسى عليه تلاقيه

جامد وعينيه بتبرق مش مدغشششه وحولا الطرى ده بايظ

اللحمه:
هتقولي للجزار اقطعلي من الضلعه الجوانيه كل ماجاور العظم زى ماحبيبنا ورسولنا قالنا عليه افضل الصلاه والسلام

الفراخ:
هاتى الاروبه الى بتجرى وتطنطت فالقفص اما المؤدبه بنت الناس

دى عيانه وطبعا مش هناخد العيانه هههههههههههه

وكمان بصى على كبدتها لو حمرا صافي تبفى فله اما لو فيها بقع صفرا او فى
خطوط سودا لا دى عيانه وكمان تترمى لان فيها دود ممكن يعيش جوه معده
الانسان اللهم احقظنا

الوراك

وخلى بالك وانتى بتشترى الوراك اوعى تشترى الوراك الى موجوده

عند الفرارجى لا خليه بيدبح ادامك لان البايته دى بينقعوها فى الميه

علشان توزن وتيجى تحطيها فى الميه المغليه تلاقيها كشت التلات

تربعوبقت ورك ضفدعه مش فرخه

الفاكهه

الموز:
هاتى الصغنن الحلو ده لان الكبير ده عامل زى الكاوتش لاريحه ولا طعم

الفراوله

هاتى الى ليها ريحه مش الكبيره دى بتبقى لاريحه ولا طعم وبصى كويس وهو بينقى علشان ميحطش البايظ

البرتقال:
اختاري الناعم الفاقع اللون
الخشن بيكون مفيهوش ميه

بحبكم فى الله

منقوووووووووووول
[/size]

تسلمى يالولو

التقييم

++++++++++++++++++

تسلمي يا لولو يا قمر

تسلمى يالولو على المعلومات المفيده ومنك نستفيد يالولو
واحلى تقييييييييييييييم++++++++++++

» ازاى نقضى على البقع
» ازاى تنزلى صور فى موضوعك ؟؟؟؟؟؟؟؟؟؟؟؟؟
» ازاى تحول البطاطس لــ ورد بالصور
» اصنعى الشامبو فى البيت ازاى ؟؟؟؟؟؟؟؟؟؟؟؟؟؟؟؟؟
» طرحه العرووسه ازاى تختاريها ؟؟؟؟