عندك سؤال للبشرة تعالى انا اخصائية تجميل بشرة

بسم الله الرحمن الرحيم

ازيكو يابنات وحشتونى يابنات احنا هنا ان شاء الله هانتكلم على اى مشكلة تخص البشرة سواء وجة او جسم
اختكو اخصائية بشرة وطبعا هانتعامل بالكريمات او لو عايزة وصفات طبعية ودية اللى برجحها انا لانها احلى من المواد الكميائية تحت امركو فاى سؤال حتى لو مش موجودة سيبى السؤوال بامر الله هارد عليكى علطول
اهلا ويهلا بيكو مقدما

منتحرمش منك يا موني يا قمر
بس اوعي تزهقي انتي بس

ايوه كده يامونى جيتى فى وقتك
وتسلمى ياقمر
وهنسيبلك اسالتنا واستشاراتنا

وانا تحت امروكو ياام على ومفيش حد يزهق من اخواتو دا انتو بتفكرونى بمصر حبيبتى فالغربة دية

انا كمان متغربه يامونى انا فى جده
انتى متغربه فين

هيه هيه
انا فالدمام طلعنا فبلد واحدة

بقالك هنا اد اية ياام على

جزاكى الله كل خير يارب يوفقك زى ما بتفيدينا وتم التقييم

نورتينى يااااقمر

ها يابنات اية محدش عندو اسئلة

بصى يادى
اولا الف مبرووووووووووووووك
ثانيا تقللى شاى وقهوة واى حاجة فيها كافين والنسكافية بالاكتر
بصى ياستى
تجيبى شاى فتلة وبعد مايتعمل اعملى كمدات بالفتله بتاعتة
وبعديها طرنشات خيار
وكل يوم تعملى حلقات بطاطس وتقعدى بيها وفى كمان زيت لوز حلو على زيت لوز مر
تخلطيهم بنسب متساوية وتحطى على العظمة بتاعت داير العين لانها هى اللى تحتيها العضلة المسؤلة على ارتخاء العين او السواد تحتهاومتحطيش حاجو على الجفن العلوى ابداااااااااااا
وتعملى مساج لععين كل يوم قبل النوم وتحطى الزيوت وتنامى
النوم المنتظم
تقعدى على نسبة بعد كفاية على الكمبيوتر والتليفزيون
واى استفسار انا تحت امرك

الله يبارك فيكى يادى
وياحبيبتى انا تحت امرك وانا اعرف كمان خلطات شعر وجسم اذا احتجتى اى حاجة اؤمرى بس

انا شغالة اهوه يادى بس حد يسئل وانا اعملكو هنا قسم باسمى
ههههههههههههههههههههههههههههههههه

وانا يامونى عاوزه اسالك عن الخطوط البيضه اللى بتظهر فى الذراع
وليكى جزيل الشكر

مونى ياقمر انا عوزة ماسك حلو وسرييييييع
لنضارة الوجه
انا حسه ان وشى مرهق جدا الفترة دى


lاهلا ياحبيبتى منورة
انا مش عارفة نوع بشرتك اية دول هايفديوكى جداااااااااااااااا ويناسبو جميع البشرات ممكن تعملى كل اسبواع واحد منهم ويفضل على وشك نص ساعة
أولاً : ماسكات للبشرة العادية

(ماسك الموز بالطماطم)
المكونات:
نصف كوب لبن زبادي.
ثمرة موز.
ثمرة طماطم.
عصير نصف ليمونة.

الطريقة:
تخلط هذه المكونات مع بعضها، ثم تحطيها على وشك لمدة ربع ساعة، ثم تغسلي وشك بالماء الدافئ وحتشوفي النتيجة.

(ماسك الخيار بعسل النحل)
المكونات:
خيارة.
عسل نحل.

الطريقة:
اهرسي الخيارة جيدا في الخلاط وحطي عليها ملعقتين من عسل نحل واخلطيهم جيدا مع بعض، ثم حطي الماسك على وشك لمدة ربع ساعة، ثم اغسلي وشك بالماء الدافئ.

ثانياً : ماسكات للبشرة الحساسة

(ماسك الدقيق)


المكونات:
ملعقة كبيرة من الدقيق.
4 ملاعق كبيرة من ماء الورد.

الطريقة:
يتم خلط المكونات السابقة مع بعضها لغاية ما يكون على شكل عجينة لينة جدا توضع على الوجه والرقبة لمدة 10 دقائق، ثم تزال بقطعة قطن مبللة بماء الورد، ثم يغسل الوجه بالماء الفاتر

(ماسك عسل النحل الخالص)

المكونات:
5 ملاعق كبيرة من عسل النحل.

الطريقة:
و هيدي أسهل طريقة، وهي إنك تدهني وشك بالعسل النحل وتسيبيه على وشك لمدة 10 دقائق، ثم تدلكي وجهك بأطراف أصابعك المبللة بعسل النحل، وتستمري في التدليك لمدة 3 دقائق، و سوف تشعري بإنتعاش ه وإنت بتمرري قطعة من القطن مبللة بماء الورد. ثم تغسلي وشك بالماء الفاتر.

ثالثاً : ماسكات للبشرة المختلطة

(ماسك الجزر)

لمكونات:
½ جزرة متوسطة الحجم.
¼ ملعقة عسل نحل.

الطريقة:
قطعي نصف الجزرة شرائح واعصريها وصفيها، وبعد ما تحصلي على هذا العصير ضيفي إليه العسل واخلطي هذا الخليط، وادهني بيه وشك لمدة ربع ساعة، ثم اغسلي وشك بالماء الدافئ.

(ماسك الورد)

المكونات:
ورد ناشف.
عسل نحل.

الطريقة:
اطحني الورد واخلطيه بالعسل وحطيه على وشك ورقبتك لمدة نصف ساعة.

رابعاً : ماسكات للبشرة الدهنية

(ماسك الطماطم)

المكونات:
ثمره طماطم.
قشر نصف ليمونة.
عصير ليمون.

الطريقة :
اهرسي ثمرة الطماطم وضيفي إليها بشر قشر الليمون وعصير الليمون.
ثم حطي الماسك على وشك لمدة ربع ساعة، ثم اشطفي وشك ثم بالماء الفاتر.

(ماسك شرائح الخيار)

تقطعي شرائح الخيار وتغطي بيها وجهك لمدة ربع ساعة، ثم شيليها واغسلي وجهك بالماء الدافئ اللي مضاف إليه ماء الورد وحتشوفي النتيجة بنفسك.

خامساً : ماسكات للبشرة الجافة

(ماسك زيت الزيتون بالبيض)

المكونات:
صفار بيضة.
ملعقتان زيت زيتون.
ملعقة دقيق.
ملعقتان لبن طازج.

الطريقة:
اخلطي المكونات كلها مع بعضها، ثم حطيها على وشك وسيبيها لمدة ربع ساعة، ثم اغسلي وشك بالماء الدافئ كذا مرة وحتشوفي النتيجة.

(ماسك عسل النحل بالخميرة)


المكونات:
ملعقة عسل نحل.
ملعقة حليب طازج.
خميرة بيرة.

الطريقة:
اخلطي المكونات السابقة مع بعضها البعض، ثم ضعي الخليط على وشك باستخدام فرشاة، و أتركيه على وشك لمدة ربع ساعة، ثم اغسلي وشك بالماء الدافئ أكتر من مرة لغاية ما تلاقي أي أثر على وشك.


وعلى فكرة الماسك هيدا غير إنه بيفيد البشرة قوي، فهو كمان بيمدها بفيتامين "ب"؛ علشان هيك بنلاقي إن كل صالونات التجميل بتستخدمه.

سادساً : ماسكات لحب الشباب
(ماسك الخس)

أتركي ورق الخس يغلي بشدة وتاخدي الماء المغلية بعد ما تبرد وتغسلي بيها الأماكن اللي فيها حبوب، وده باستخدام قطعة قطن مبلولة بالماء. وممكن تحطي الماء في الثلاجة لاستخدامها أكتر من مرة

(ماسك الجزر)

ابشرى الجزر بدون ما تقشريه وضيفي عليه ليمونة وسيبيهم نص ساعة، وبعدين حطيه على وشك. والماسك هيدا بيخلّي لون البشرة صافية وبيزيل التجاعيد والبثور وبيخلص الوجه من أي شوائب عليه.

[quote="ام عمر وعلى"]وانا يامونى عاوزه اسالك عن الخطوط البيضه اللى بتظهر فى الذراع
وليكى جزيل الشكر


بصى ياام على هى الوصفة رحيتها نفاذة بس مفيش حل غيرها
تجيبى لسان البحر من العطار
وتحطى علية خل تفاح وتتركيهم 20 يوم
دون تحريك
بعد كدة تفتحى وتدهنى
وقبل النوم شاور محترم
بس تاثيرو راااااااااااااااااااااااااااااااااائع

نورتونى ياقمرات

[quote="mony2011"]

ام عمر وعلى كتب:

وانا يامونى عاوزه اسالك عن الخطوط البيضه اللى بتظهر فى الذراع
وليكى جزيل الشكر


بصى ياام على هى الوصفة رحيتها نفاذة بس مفيش حل غيرها
تجيبى لسان البحر من العطار
وتحطى علية خل تفاح وتتركيهم 20 يوم
دون تحريك
بعد كدة تفتحى وتدهنى
وقبل النوم شاور محترم
بس تاثيرو راااااااااااااااااااااااااااااااااائع

تسلمى يامونى
ممكن استفسار
لسان البحر موجود هنا فى السعوديه عند العطارين

متوفر ياام على جيبى ب10 ريال بس
لانو خفيف قوى وبيطلع كتيررررررر
موفقة ياقمر

وانتى عارفة لسان البحر دة اية هو العظمة اللى بتبقى فظهر الحبار وكمان باكلوها للعصفير بيضا او سكرى وشبة لوح التزلج