سر من اسرار الجمال

كل سنة و انتوا طيبين يا صفصوفاتى و رمضان كريم حاجة لو واظبطتى عليها هتستغنى عن الحمام المغربى


الموضوع ده هو خلاصة تجربتى اللى حبيت انقلهاكم علشان تستفادوا بيها . و الحاجة اللى هحكيلكم عليها كانت نصحتنى بيها دكتورة جلدية من سنتين و الصراحة طلعت مفعولها سحرى . طبعا انتوا زهقتوا من كتر الرغى و عايزنى ادخل فى الموضوع على طول صح؟ ....... بس لازم اعملكم شوية تشويق هع هع هع هع


اعرفكوا بيها

الاسم : صابون كبريت
اللون : اصفر
الريحة : بشعة لابعد الحدود لا مش عاجباني
الاسم التجارى : كبريتاج
السعر : 6.75
المكان : مرمية على ارفف الصيدليات


اكيد دلوقتى بتقولوا صابونة كبريت ايه يا بنتى انتى فاكرنا عندنا جرب ( اصبروا بس عليا ) انا لما هقولكم عملت ايه فى بشرتى مش هتصدقوا حاجة لو واظبطتى عليها هتستغنى عن الحمام المغربى


* لو عندك حبوب فى ضهرك او كتفك او اى مكان تانى و استخدمتى صابون الكبريت هتقضى عليها فى خلال اسبوع او 10 ايام بالكتير و لو انتظمتى فى استخدامها انسى خالص الحبوب من جسمك

* بتستخدميها عادى جدا فى الشاور بترغى الليفة و تدعكى جسمك فى الصيف استخدمى مياه باردة و فى الشتاء المياه تكون دافية و بلاش يعنى المياه السخنة اوى لانها بتزود افراز الدهون بالجسم

* بتقضى على ريحة العرق تحت الابط يجى 6 ساعات يعنى مش هتحتاجى تحطى مزيلات العرق

* هتخلى بشرتك فلة شمعة منورة بتبرق من النضافة حاجة لو واظبطتى عليها هتستغنى عن الحمام المغربى كأنك عاملة حمام عروسة و تقدرى تتأكدى بقطنة مدام نظيفة ( و القطنة ما بتكدبش ) و مع الاستخدام المنتظم مش هتلاقى جلد ميت لانها بتنضف اول بأول و بتمنع تراكم الدهون على البشرة

* اقتصادية فلوس فلوس و موفرة للميزانية يعنى الصابونة ممكن تقعد معاكى اسبوعين . استخدميها فى الصيف و الشتاء مرة يوميا

* بتقضى على حمو النيل يعنى لو حد من ولادك طلعله حمو النيل فى الصيف الصابونة دى هتبقى ممتازة

* ملهاش اى اضرار جانبية نهائى لانى بستخدمها من سنتين و بشرتى ما شاء الله لا قوة الا بالله . و على فكرة انا بشرتى حساسة جدا يعنى الصابونة تعتبر امنة تماما

* بالنسبة للريحة البشعة لا مش عاجباني فأول ما المياة تنزل على جسمك مش هتشمى اى ريحة نهائى بمعنى ان ريحتها مؤقتة



بس فى نقطتين خلى بالكوا منهم

* اوعى تستخدميها لوشك علشان لو بعد الشر جرالك حاجة ما تدعيش عليا . هى قوية على بشرة الوجه

* فى الشتاء ممكن تسبب جفاف للبشرة و ده حله بسيط اى لوشن او بادى باتر يبقى تمام


انا اصلى يا بنات بحب اجيب من الاخر فى كل حاجة للبشرة و الشعر مليش صبر على الوصفات و الخلطات دى
ايه الجمال ده ( شعارنا افضل النتائج بأقل مجهود ) ايه الجمال ده
اوعوا بس حد يلطش الشعار ده منى
بجد جربوها هتعجبكم اووووى هييه هييه

اول مرة اسمع عنها فعلا
بس طالما بتشكري فيها نبقي نجربها ياوختي
تسلمي يا قمر
مستنين المزيد من التجارب

نورتو الموضوع يا قمرات