اللى حصل معاها كدة تدخل بسرعة

انا وانا فى اعدادى شفت رؤيا واتفسرت بالظبط وكنت مزهوله بجد ومش مصدقه نفسى
اختى الكبيره كانت جامعتها فى القاهره واحنا من المنوفيه ويوم نتيجتها كانت هتاخدنى معاها علشان تشوفها يومها بالليل نمت علشان الصبح هنسافر القاهره
حلمت اننا روحنا وشفت كليتها رغم انى مرحتهاش وقابلنا دكتوره عندها فى الجامعه وسالتها النتيجه مظهرتش ليه التلها اتاجلت واستنى اجبهالك من الكنترول علشان مشوارك صعب وراحت ورجعت قالتلها مبروك جبتى جيد تانى يوم روحنا الكليه والموقف حصل بالظبط والله العظيم والدكتوره هىهى بالملى لدرجه انى تنحت وبقت تكلمنى مردش وبقيت خايفه قوى ومش عارفه ليه

ماشاء الله يالولو



طيب ماتكررش الموقف تانى ؟

هحكى لكم على حلم من ضمن احلامى



وانا فى ثانوى حلمت بواحدة زميلتى فى المدرسة مسيحية



مبسوطة اوى وشفتها هى وبنات تانيين لابسين وماسكين بالونات كأنهم فى عيد



فقلت لها انتى مبسوطة اوى كدة ليه المفروض اننا زعلانيين

قالت لى لااااااااااااا



انتوا اللى تزعلوا انما احنا فرحانيين



صحيت من النوم على خبر وفاة الشيخ الشعراوى

بركاتكم يا بنات
انا باه عن نفسي من النوع اللي بحلم وتاني يوم اصحي الاقي نفسي ناسيه الحلم
هههههههههههههههههه
مش كده احسن برده

احنا فينا حاجه لله ولا ايه ههههههههههه
اتكرر يا صفا وكمان انا عندى الحاسه السادسه شغاله ماشاء الله يعنى مش الاحلام بس جاتلى فتره كبيره احلم ان شخص معين اتوفى اصحى من النوم على الخبر

انا بقه الحمد لله اوقات كتير لم ببقى بفكر فى اى شخص واى نفسى فى اى حاجه لازم ميعديش وقت ولاقينى بشوف الشخص ده وحصلت معايه انى فكرت فى شخص وفى ساعتها شوفته قدامى

انما بخصوص الاحلام مش بفتكر الاحلام خالص

هاه يابنات





فين الاحلااااااااااااااااااااااااااام؟

حلو الموضوع ده اول مره اشوفه
انا بقي بجد مش هزار اللي بشوفه في الحلم بقوم من النوم الاقيه حاجات كتيره مش حلم معين من صغري وانا كده
والله لغايه ان كان جوزي مخبي عليه حاجه بشوفها في الحلم واعرف كل اللي مخبيه
وبيتفاجئ مني وكمان الاموات ليه بيهم صله خاصه
يعني بشوف الاموات اللي اعرفهم يعني جيرانا اقاربنا كده يعني
وبشوف ان كان في الجنه او بيتعذب والله يابنات انا كل كلامي صادق وفي حاجات تانيه بس مش عايزه احكلكم عليها علشان متخافوش

لا احكى يا ام الاء





بجد لو فكرة حاجة قولى لنا عليها





بسم الله ماشاء الله عليكى

كتير والله ياصفا جدا وعلي فكره انا شفت الرسول صلي الله عليه وسلم مرتين وشفت الصحابه كلهم وشفت سيدنا ابراهيم

اما اللي بشوفهم من الاموات كان عم جوزي مات هوه شاب زميل جوزي في السن كان بينه وبين جوزي سر كانو ناوين يعملو حاجه مشروع يعني في الصيف وجه مات في شهر 4 وبعدين جاني في الحلم كان بيجيني كتيربس من ضمن المرات قالي علي اللي كانو ناوين يعملو بالتفصيل قالي سلميلي علي جوزي وقوليلي فاكر لما اتفق معاك علي كذا طبعا حكيت لجوزي تنح فكر دانا مخاويه ولا حاجه

حتي اولادي وانا حامل فيهم كنت بعرف ولد او بنت من الحمل لاني كنت بشوفهم في الحلم وايه كمان مره واحده جارتنا ماتت وابنها كان بيروح يزورها في المقابر ففي فتره مرحش لها وكانت فيه جنازه وكانو بيدفنو الميت وابنها مرحش زارها فزعلت وجاتني في الحلم وقالتلي انا زعلانه منه علشان مجاش زارني وانا سمعه صوته وهو بيدفن وقعدت استناه ومجاش كان نفسي اشوفه يالهوي روحت قلتله علي طول فراح لها

والله ياجماعه لغايه اللي بيتكلم عليه بشوفه في الحلم وبالتفصيل بس الحلم اللي انا لحلمته ومعرفتش افسره وطبعا لسه متتحققش اني حلمت اني بصلي علي الرمل في الشارع ركعتين وانا بصلي بسال نفسي هوه انا بصلي ليه في الشارع مع ان البيت قريب وخلصت وروحت ماشيه لقيت شيخ فبساله كل ده في الحلم بقوله دانا حلمت اني كذا..... قالي انتي اجلك هينتهي علي الطريق هوه ده كان الحلم

وعلي فكره جاتني واحده في الحلم وحكتلي علي اللي بيحصل في القبر

فوفة



بركاااااااااااااااااااااتك





احكى لى يا ام الاء

عن احلامك فى حملك



عرفتى ازاى انه ولد او بنت؟

عرفت ازاي انه ولد شوفي ياستي اول حاجه وانا ولده الاء لسه مكملتش اسبوع كنت عايزه اعملها سبوع حلو وبجهز بقي وكده حلمت ان انا راحه احجز لها في خلود النيل في دمياط علي حفله سبوع جاتلي صفاء ابو السعود وقلتلي متعمليش سبوع للبنت اعملي سبوع لعمر وبقولها لا انا جبت بنت وسمتها الاء مجبتش عمر قالتلي عارفه بس متعمليش سبوع ليها اعملي لعمر ده كان حلم وحلمت تاني ان جوزي بيديني موبيل ابيض لونه ابيض والموبيل في الحلم يعني ولد وحلمت تاني ان بفتح علبه سبوع لقيت فيها سلسله بالقلب بتاعها وده معاناها ولد لان السلسه فاضيه دي بنت انما فيها قلب تبقي ولد وحلمت تاني اني لبسه بدله وبقول لواحده انا عايزه فستان قالتلي لا انتي اخدتي فستاني المره اللي فاتت خدي بقي بدله وحلمت بننتي المتوفيه جاتلي بتقولي انتي جايلك عريس قلتلها والله قالتلي اه جايلك بس لسه موصلش جاي في الطريق كنت بقي حامل بس

كان ليه واحده صحبتي كان جوزها صاحب جوزي وكانو مش بيخلفو جوزها كان عنده مشكله وراثه عن اعمامه وكان لازم عمليه وراح كشف والدكتور حددله ميعاد العمليه وفيه احتمال ان العمليه تنجح او تفشل لان اخوه عملها ومحصلش نصيب
انا بقي حلمت ان مراته حامل وولدت ولد وكانت حامل 11 شهر فقمت من النوم قلت لجوزي مش انا حلمت ان اسماء كانت حامل 11 شهر وولدت وده معناه ان كان عنده مشكله واتحلت لان الحمل مشكله والولاده فرج والولد نصره فقالي طيب ابقي استغطي كويس فراح الشغل قال لجوزها حصل كذا فطبعا قعدو يتريقو عليه لما شبعو وبعديها باسبوع لقتهم بيتصلو عليه بيقولو ان اسماء حامل طب مقلكوش عملت فيهم ايه علي التريقه اللي كنت اخداها واتاني عيل بقي قالولي يالا احلميلنا حلم عايزين عيل كمان هههههه

بسم الله ماشاء الله



انا فى بناتى الاتنين كنت بشوف نفسى معايا بنوتة تقريبا بنفس الشكل



وفى فريدة حلمت ببنت عمتى هى متوفيه بتخرجها من بطنى وبتديهالى

ولما بصيت لها لقتها امورة بس سنانها مش مظبطة

وفعلا فريدة اول ما بدأت تسنن سنتها اللى فى الجنب طلعت مكسور من حتة

سبحان الله

المرة دى حلمت حلمين



بس مش هحكى عنهم الا لما اولد واتأكد ان شاء الله

لانى شفت حتى الاسم فى حلم منهم



وربنا ييسر

يارب ارضيكي ياصفا يارب بولد ينفع الامه يارب ويكون خير للمسلمين

انا اللى بيحصل معايه مش عارفة ايه سببه

كل مايحصل موقف معايه

احس انه مش جديد عليه ةانى حلمت بيه قبل كده


مش عارفة ايه السبب


وده بيحصلى كتير جدااااااا

هاه يابنات

فين الاحلام اللى اتحققت؟؟؟؟؟

عادى عادى جدا

جزاكى الله كل خير