حلم بنت عمى مخوفنى عليها

انا حلمت انى وبنت عمى الصغيرة عندها حوالى 10 سنين

كنا واقفين فى البلكونه وبعدين بنت عمى مرة واحده لاقتها نايمه على الاحبال

اللى فى البلكونه وانا خفت لهى تقع وبعدين فضلت اشد فيها

ولكن مش عرفت امسكها ووقعت فى الشارع

فانا قلت اكيد ماتت وخفت اوى ونزلت بسرعه الشارع

ابص عليها لقيتها وقعت على كبوت عربيه

وبتقولى انا سليمه مش جرالى حاجه

فقلت الحمد لله واخدتها وطلعت على فوق

وكان فى العربيه ديه خالى الكبير

بس فى الحلم كان شكله صغير اوى زى العشرينات كده

وبعدين دخلت شقتنا لقيت خطيبى القديم قاعد

على الكنبه عندنا ومش عاوز يبص لى وبعدين قالى انا هرجعلك

خلاص فقلتله هترجعلى وانت زعلان منى كده قالى خلاص بقى

المهم انا اتاسفت ليه واتصالحنا وبعدين هو زى ما يكون نام وانا نمت على ذراعه

وبعدين حضنى وانا كنت خايفه اوووى وقلت انا اخدت عهد على نفسى

انا لما ارجع لاحمد مش هعمل حاجه تغضب ربنا ومش هقوله اى

كلمه غير لما نتزوج بس وقمت من النوم وهو بيمسك ايدى اوى

انا اصلا خالى اللى فى الحلم عنده 50 سنه

وخطيبى كان جاى فى الحلم وشه اسود وشكله وحش اوى عكس الحقيقه

وانا مكنتش بعمل حاجه تغضب ربنا لما كنا مخطوبين غير ممكن اقوله بحبك او وحشتنى بس الكلام ده

وانا عرفت ان خطيبى ده اصلا بيحاول يرجع لخطيبته الاولى

وكنت بفكر فيه قبل النوم معلش طولت على حضرتك اووى

اتمنى يكون خير ليا انا وبنت عمى

يااااااااااااااااااارب اجعله خيرا

ان شاء الله خير


بالنسبة للجزء الخاص بيكى جزء منه حديث نفس والجزء اللى فيه وشه اسود قديكون احساسه بالذنب تجاهك

الجزء الخاص ببت عمك خير ان شاء الله هو تجاة لها من مكروة ربنا يخليها ويعافيها

شكراااااااااااااااااااااااااااا لصفا لاهتمامك