سلقت عصفور وطلع عايش .. ربنا يستر

السلام عليكم ..

أروجوا تفسير حلمي .. أنا كنت مع قريب أصغر مني في سيارته فلمحت أخي في
سيارته فأختبأت (مع أنوا قريبي في الواقع بيوصلني كتير ) المهم وصلنا لبيت
قديم أنا و قريبي ده وكنا طالعين نعمل حاجه أو بنخلص مشوار .. فواقفين تحت
عتبت باب أوضه كده لحقيت التراب بنزل منها على كف أيدي .. ففهمنا أنوا
البيت بيقع .. فهربنا جري هو ناحيه شباك و نط منوا على سقف حاجه كانت قريبه
جدا و جنبها سلم وقالي نطي فنطيت ونزلنا من السلالم نحيه عربيتوا .. بعدها
رحت أنا لبيت أبن خالتي (راجل متجوز وقد والدتي في العمر) وحسيت أني وناس
تانيه محبوسين هناك و أنا هناك كنت حاسيني محبوسه كراجل .. وسط الرجاله ..
مرات ابن خالتي بقه كانت بتعاملني وحش أوي .. أنا كنت روحت أطلب منها تغير
مكان نوم الرجاله لأوضه جوه بدل ما الرياح والجاي ممكن يشوفني وانها تدني
بيجامات اوسع علشان أحس أني مستوره .. فالحمدلله نقلنا وخدت اللبس بس هيا
مكنتش مبسوطه من كل ده حسيت انها بتعمل ده كل بالعافيه

المهم كل واحد في السجن ده بيعمل أكلوا .. فلقيت نفسي سلقت حجات كده اللي
فاكراه عصفور بريشه .. أتخضيت وحسيت بالارف .. وفهمت انوا كان عايش فسألت
أزاي أنا أعمل كده فبشيلوا لقيتوا لسه عايش واتبسط قوي وحمدت ربناو
فقلتلوا بما معناه انا اسفه أكيد مكنش قصدي .. فلقيته بقولي عادي وانو
كويس ( هو بس لو ريشه كان أغمق شويه ) بس في حاجه انا فاكره أني أكلت حاجه
من الحله دي قبل ما أطلع العصفور

أنا قلقانه جدا .. ياريت تفسرولي حلمي
أنا أنسه .. والحمدلله بصلي
والحلم بعد صلاه الفجر

السلام عليكم



ان شاء الله خير



الحلم بيعبر عن كربة بسيطة تعرضى او تتعرضى لها لكن سرعان ما تنفلرج

والجزء الخاص بالبيجامة والستر هو رغبة فى الزواج\

والعصفور دة بأة ياقمر هو العريس

ودة بشرى لكى بزواج قريب ان شاء الله

والله سبحانه اعلى واعلم