السلام عليكم
اخباركم ايه يا صفصوفات
بحبكم كلكم في الله
من زمان وانا نفسي اقولكم علي الوصفه دي
بس الهمه ظهرو دلوقتي باه
بما اننا اتفقنا نكبر المنتدي مع بعض
يبقي لازم الوصفات الحصريه
واللي لايمكن تلاقيها غير هنا بس
طولت عليكم باه معلشي استحملوني
اتعبو شويه معايا زي ما انا تعبت في تحميل الصور والموضوع
نبدا بسم الله
الوصفه بتاعة النهارده بسبوسه
ايون بسبوسه
بس مش زي اي بسبوسه
بسبوستي تختلف عن البسبوسات التانيه
تعالو شوفو كده
وعلي فكرة الوصفه ما شاء الله نسبه نجاحها ميه في الميه
يعني وداعا للفشل في البسبوسه مرة تانيه
المقادير
علبة قشطه 170 جرام
2 بيضه
معلقه صغيرة فانيليا
وبنفس علبة القشطه بعد ما نفضيها نملاها زيت زي كده
يعني 170 جرام زيت
وبنفس العلبه مرتين دقيقي سميد
وعلبة جوز الهند
وملعقه بيكنج بودر
وعلبة سكر
نضرب البيض والزيت والقشطه والفانليا والسكر
وبعدين نفضيهم في بولا ونحط عليهم
السميد والجوز الهند والبيكنج باودر
نحطهم في صينيه
تمام كده
ندخلهم الفرن علي درجه حرارة متوسطه في الرف الوسطاني
خلو بالكم بتستوي بسرعه حوالي ربع ساعه او تلت ساعه
نطلعها ونكون مجهزين شويه شربات حاجه بسيطه مش كتير
ونرش عليها بسيط بالملعقه
نرش في كل مكان
وبعد كده نيجي باه للحركه الجديده والجامده اووووي
هنعمل طبقه تانيه للبسبوسه
المقادير بتاعة الطبقه التانيه
هنعمل الكريم كراميل بنفس الطريقه المكتوبه علي الكيس
ونزود لعقتين نشا علشان يدينا تقل
ونسويه علي النار
ونسيه يبرد شويه مع استمرار التقليب علشان مش يكلكع
ههههههههههه
المهم لما يبرد نفرده علي صينيه البسبوسه اللي فوق دي
اوعو تكونو نسيتوها
وبعدين نساويها علشان الشكل
ونحطها في التلاجه تبرد
ونقطعها ونقدمها بالشكل ده
وبتكون برده وطعمه طعامه
يالا باه في امان الله
طولت عليكم
استني انتي وهيا رايحين فين
هو دخول الموضوع زي طلوعه
انا عاوزاكم تدعولي ان ربنا يهديلي عيالي ويفرحني بيهم
ويخليلي زوجي ويرزقه من حيث لا يحتسب[/quote]