ازيكم يا صفصوفات
اختى وحبيبتى ام عمر وعلى
كل شوية تذلنى بالبيتى فور بتاعها الجميييييييييييل وكل اللى بتعمله انها تفرجنى على الصور بسسسسسسس ههههههههه
انا بأة عوزة أدوق
فقلت لازم ان شاء الله اعمله
وهى قالت لى على المقادير الجميلة بتاعتها
ووالله يابنات مخدش وقت خالص
المقادير
2 كوب دقيق
نص كوب سكر مطحون
1 بيضة
فانيليا
3\4 كوب سمن
معلقة بيكنج بودر
الطريقة
البيضة عليها الفانيليا ومعلقة خل علشان زفارة البييض
وعليهم السكر ونضرب بالمضرب
والسمنة ونضرب كويس
وبعدين الدقيق والبيكنج بودر ونعجن بايدنا
لحد ماتبقى عجينة حلوة تتشكل بسهولة
انا جبت قطاعات من بناتى لان معنديش هنا فى بيت ماما قطاعات
صورتهالكم
فكانت كبيرة شوية وطلع كبير
تقدروا تقولوا بسكويت
اسيبكم مع الصور النهائية لانى مصورتش الخطوات كنت مستعجلة