حبيباتى الحلوين
انا شفت الموضوع دة وقلت انقلهلكم عشان اللى عملة دايت ونفسها فى الطعمية
المقادير:- 425جرام حمص
طبعا الحمص زى الحبوب كلها لية نفس المصادر الغذائية وغنى بالبروتينات والمعادن والالياف
واهم حاجة بالنسبة للدايت انو خالى من الدهون
ربع كباية كزبرة خضراء وبقدونس مفروم
ربع كباية بصل مفروم وفصين توم مفروم ناعم
ملح وكمون وكزبرة ناشفة
وبعدين نخلط كل المكونات مع بعض ومعاهم معلقة زيت زيتون
ونقلبهم كويس مع بعض
وبعدين نضربهم مع بعض فى الخلاط كويس
وبعدين نشكلهم اقراص عادى خالص
وندهن الوش زيت بسيط اوى وندخلهم الفرن يحمر وبعدين تحت الشواية عشان وشهم يحمر
ودة بعد ماخرج من الفرن
وتقدم مع السلطة الخضراء والطحينة
وبألف هنا وشفا