=== السمك المقلى بالصووووووور ===

النهاردة جبتلكم طريقتى المتواضعة فى قلى السمك النيلى ونوعه اسمه (بلطى ) وطبعا لذيذ جدااااا وطعم وأسألو أى واحدة مصرية عليه

الشرط الأساسى ان يكون السمك طازة يعنى تشوفيه فى السوق وهو بيلعب كده فى الماية والا النتيجة مش هتكون أد كده
وده شكله :

=== السمك المقلى بالصووووووور === 80793_1268548567

بعد ما ننظف السمك من جوه ونغسله من بره كويس ونشيل القشر من عليه بليفة أو سكينة

=== السمك المقلى بالصووووووور === 80793_1268548570

نحضر الخلطة اللى هننقع فيها السمك
لكل كيلو سمك بتكون عبارة عن :

راس توم صغيرة + معلقة ملح كبيرة + ملعقة كمون متوسطة + ملعقتين خل + ملعقة زيت ذرة + ليمونة بقشرها

=== السمك المقلى بالصووووووور === 80793_1268548975

بالاضافة الى شطة حمرا للناس اللى بيحبوا الحااار وانا مش منهم

نحط كل المكونات دى فى الخلاط ونضربهم بيبقوا زى العصيدة فى النهاية وهى دى الحشوة والنقعة للسمك

نشق السمك كل سمكة يادوب شقين بالسكينة من كل جهة ويتم دعكهم بالنقعة وحشو الداخل بيها بردو بالمنظر ده

=== السمك المقلى بالصووووووور === 80793_1268548579

وبعدين نحط السمك فى علبة محكمة الغلق ونحطه فى التلاجة لمدة ساعة او 2

نطلعه ونغطيه بطبقة رقيييييقة من الدقيق بالشكل ده :

=== السمك المقلى بالصووووووور === 80793_1268548591

ونقليه فى زيت النوع اللى يعجبك انا بفضل عباد الشمس
بحط كمية زيت بسيطة جدا مش زيت عميق يعنى يادوب تغطى قاع القلاية

ويكون الزيت سخن ونحط السمكة فيه بس 3 او 4 دقايق على كل وش
وده شكلها النهائى :

=== السمك المقلى بالصووووووور === 80793_1268548593

أنا بحب أقدمها مع رز سمك اللى بعمله بالبصل والتوم والبهار والطماطم وأقدمه مع عصير برتقال لاااااازم وطماطم بكمون وملح وخل فقط

=== السمك المقلى بالصووووووور === 80793_1268548599

طريقة سهلة وبسيطة والنتيجة مرضية ان شاء الله
منقول

تسلمى ياروشا ياقمر
شكله لذيذ
التقييييييييييييم++++++

بحب السمك اوى تسلمى

» السمك المقلى وااااااااااااااااااااااااااااااو
» === السمك المقلى الخطير بالصووووووووور ===
» === السمك المشوى الجميل اوى والسهل اوى والسريع اوى ===
» === طريقة عمل صيادية السمك تجننننن بالصوووووووووور ===
» طاجن السمك مع البطاطس