النهاردة بعترف انى ....................

تذكير بمساهمة فاتح الموضوع :

السلام عليكم ورحمة الله وبركاته

ازيكم يا احلى صفصوفااااااااات

انا شفت الفكرة دى بمنتدى وعجبتنى

كل واحدة هتدخل تعترف اعتراف

انتوا عرفين طبعا ان احيانا الكلام بيريح

بدل الكبت

يلا مستنيااااااااااااااااااااكم

واعتراف كمان انى زهقااااااااااااااااااانه جدا من الوضع الى البلد بقت فيه من قله الامان الى خلتنا محبوسين فى البيت وخايفين ننزل حتى نشترى حاجه احسن منرجعش احنا او اولادنا
ربنا يصلح حالك يامصر ياام الدنيا

بعترف انى تعبانه ونفس اااااانام
من غير حد يصحينى

انا النهارده بعترف اني نفسي اكل محشي بس مش لاقيه كرمب

انا النهاردة بعترف انى زهقانه جدا وحاسه باحباط فظيع ونفسى اغمض عينى وافتحها الاينى كنت فى كابوس وفقت منه

انا النهردة بعترف ان مودى لسه زى ماهو من اخر اعتراف واكتر وحاسه ان السعاده او حتى الفرحه خاصمتنى ومش هتصالحنى تانى وكمان اعراض الاكتئاب بدات كلها تظهر عندى يعنى لو غبت عنكوا تانى تعرفوا انى اتجننت هههههههههههه
لا بجد هو الواحد لما يلاقى حياته تعيسه ومفيهاش امل تتعدل يعمل ايه يكمل ويعتبر نفسه مات
ولا ينهيها ويقضى على سعاده اولاده ويتشرد هو كمان هو ليه نهايه الست الجواز ولو مرتاحتش فى حياتها يبقى اتحكم عليها بالموت وهى عايشه

بعترف انه مقصرة معاكم

لولو

(ألا بذكر الله تطمئن القلوب)

امسكى المصحف واقرأى فيه لحد ماتتعبى
وحسى اللى بتقرأيه
وصلى ركعتين بنية قضاء الحاجة
واطلبى من ربنا كل اللى انتى عوزاه

اللورين

احنا عرفين انك مشغولة يا قمر

وكفاية طلتك علينا كل فترة

بس انا عرفة انك لما بتدخلى مش بتقصرى خالص

ربنا يخلينا كلنا لبعض
ونفضل صحبة حلوة ان شاء الله

يارب فك كرب المكروبين
وروق بال ام لولو
وارزقها هى وايمان بالذرية الصالحة
يارب
ان شاء الله

الصفا والمروة كتب:: اللورين

احنا عرفين انك مشغولة يا قمر

وكفاية طلتك علينا كل فترة

بس انا عرفة انك لما بتدخلى مش بتقصرى خالص

ربنا يخلينا كلنا لبعض
ونفضل صحبة حلوة ان شاء الله

تسلميلي حبيبتي

ان شاء الله احلى صحبة دايما

انا بعترف انا رشا وحشتني نفسي اقعد الك معاها زي الاول وعايزه اعملها نداء عاجل

النهاردة بعترف انى مفتقدة وجودد
ايمان السيد معانا بالمنتدى
كانت ماشاء الله عليها من انشط المشرفات
ربنا يشفيها ويرجعها بالسلامة

وكمان رشا وحشتنى

كلكم بصراحة حسة انى مفتقداكم
مش بندخل فى نفس المعاد مع بعض
ودة بيحسس كل واحدة انها لوحدها

فعلا ياصفا كلامك مظبوط احنا محتاجين نتجمع بشكل اكبر من كده او علي الاقل في ميعاد ثابت او نحدد ميعاد
بس نتقابل بجد كلكم بتوحشوني

انا بعترف النهارده انى مبسوطه عشان نازله مصر بكره
بس زعلانه عشان سايبه جوزى هنا ومش نازل معانا
ربنا يوصلنا بالسلامه هتوحشونى كتيييييييييييييير

انا بعترف ان عندى حاله ملل
وربنا يخلى المنتدى
والصحبة الحلوة

انا بعترف انى بقيت احسن من الاول الحمد لله
ونفسى نتجمع فى ميعاد احسن كل ماادخل الاقينى لوحدى ازهق

انابعترف انى زهقانة جدا من غير سبب

انا بعترف انى مبسوطه قووووووووووى ان فرح اختى الصغيره قرب
وربنا يهنيها ويسعدها

النهارده بعترف انى بحبكم قوى وزعلانه منكم قوى برضه علشان مبتحددوش ميعاد نتقثابل فيه كل شهر حتى نتعرف ونحس اننا مع بعض بدل ما بندخل كاننا فى صحرا كده وكل واحده لوحدها
انا شفت فى منتدى تانى انهم بيعملو اجتماع للجميع مش المشرفات بس ممكن نعمل زيهم ونتكلم فى اى حاجه

فكرة حلوة يا لولو وانا والله نفسى اتعرف عليكم كلكم

النهارده بعترف ان المنتدى بدا يبقى اجمل من الاول والعضوات بداو يدخلوا وده جميل قوى لان المنتدى جميل بجد بس من غير ناس مينفعش طبعا ياريت نتجمع اكتر واكتر ياصفصوفات ويبقى منتدانا احلى منتدى

يارب يا لولو

وان شاء الله هعلن عن اجتماع فى غرفة الدردشة فى موعد محدد واتمنى من الجميع التواجد
علشان نتعرف على بعض اكتر واكتر

يارب اكون موجوده لانى يمكن اغيب عنكم كام يوم بس حتى لو محضرتش اكيد هيكون فيه اجتماعات تانيه بالتوفييييييييييييق للجميع

انا بعترف انى مبسطوطه انى رجعت تانى المنتدى على خير
وان شاء الله هبقى متواجده علطوووووول

حمد الله ع السلامة يا ام عمر

نورتى المنتدى

» زي النهاردة 4/5
» زى النهاردة 27/3
» زي النهاردة 30/3
» زي النهاردة 07 يونيو
» زي النهاردة 08 يونيو