ريحين ريحين شيلين فى ايدنا مقشة..رجعين رجعين مفيش فى بيتنا قشة

انا اليومين دول عندى حاله نقل فى شقه تانيه عشان كده الدنيا كله مكركبه معايه
طبعا مسكت المشايات كلها فى الحمام واديله ادى وبقت فله شمعه منوره وعلى البلكونه عدل ونشفوا وقلبتهم على ظهرهم وربطهم برباط عشان متفكش لغايه ما افرشهم تانى
وكمان السجاده الكبيره اتحديت نفسى معاها تنا حمامى صغير بس الحمد لله نضفت

وبلم بقه الهدوم فى كراتين وبظبتهم
لسه بقه عاوزه امسك البوتجاز ياخد الحمايه المعتبره بتاعته

وادعولى ربنا يقدرنى على النقل واظبتها
واحلى تقيييييييييييييم++++++++++++++

انا بأه شغلت الغساله على شوية هدوم كده وهاكنس السجاد و هاعمل الاكل سريع سريع كده
وربنا معانا و يقدرنا

السلام عليكم
انا بقى طبقت السراير وفتحت الشبابيك الشقه تتهوى وحطيت الغسيل فى الغساله
وروقت المطبخ الرخامه والحوض ومسحت الارضيه
وطلعت الصاله مسحت السفره من التراب ولمعت الزجاج ولمعت الانتريه ولسه هكنس بالمكنسه واعمل الغداء ان شاء الله
عارفين نفسى اعمل ايه ومش لاقيه حد يشجعنى لانها شغلانه تقيله على قلبى
اغسل البطاطين والحاف الفايبر واشيلهم بقى يروقوا السراير

بصى يالولو انا هقلك انا بغسل البطاطين ازاى
اولا معنديش بانيو لو عندك يبقى خير وبركه
انا بجيب بلاستيكايه كبيره واملاها ميه وطبعا المسحوق وانقع البطانيه فيها كذا ساعه كده
وبعدين انزلها على الارض وتحت الحنفيه وادوس برجلى عليها هتنزل كل اللى فيها واسيب الميه شغاله عليها وبعدين اجيب داونى او اى منعم احطه عليها عشان ريحتها تبقى حلوه
واسيبها تتصفى وبعدين انشرها

السلام عليكم
انا بقي النهارده نزلت السوق جبت طلباتي وجبت سمك وبعدين شطبت المطبخ وشديت المكنسه وفتحت الشبابيك والبلكونات وطلعت الالحفي الفيبر في البلكونه تتهوي وبعدين طبخت الارز وجهزت الغدا وخلصت غسلت مواعين الغدا وبروق كده تاني علي الماشي

السلام عليكم

انا اليومين دول قلت فرصة البنات عند ماما

اظبط الشقة

والحمد لله خلصت اوضتهم بقت تمام
وصيفت للأوضة
ههههه


يعنى شلت البطاطين واللحاف

وكمان كنت بحط الدفايات الخفيفة دى على السراسر شلت كله

وحطيت الكوفرتات الصيفى

وحالا اهو قلت امسك ادراج التسريحة واشوف الارف اللى عملينه فى التوك والاكسسورات

وماشاء الله لقيتهم مغرقينه ميه

من البخاخة

(بس لما ييجوا)

نضفته وطهرته

وقلت بأة افرشه احسن بورق اللى هو الملون دة البلاستسك
علشان الخشب مش يبوظ من اى مية او زيوت او كدة

وظبطت اوضة السفرة
ونضفتها من التراب

ونقعت الرز علشان هعمل صينية معمر ان شاء الله

وكفاية كدة اوى

ههههههههههه

هما هينهبوا ولا ايه

ان شاء الله ياام عمر ابدا اغسلهم واشيلهم بقى علشان الكوفرتات خفيفه وبتخلى الاوضه احلى من الكلكعه بتاعه الشتاء
انا روقت شويه على الماشى ولميت الغسيل وغسلت المواعين وروقت المطبخ ولسه هعمل الغداء بعد العصر لان غدانا 7 بالليل

انا بقت اتهديت ما فيش بعد كده
كنت بنقل فى شقه تانيه يعنى برص كل حاجه مكانها
من هدوم للمطبخ وطبعا كل قوضه تتفرش وتتظبط وغسيل
بس الحمد لله عدت على خير
وربنا يجعلها مبروكه علينا

الف مبرووووووووووك يا ام عمر

ربنا يجعلها مبروكة عليكم ان شاء الله
ووش الخير

مبروك عليكي ياام عمر ربنا يجلعها قدم الخير يااختي

انا بقه بدات تنظيفة العيد وماادراكم


قلبت الشقة خالص


بس بقة حاجة تانيه زى ماكنت مجوزة بالظبط بس اتهديت ومعتش قادرة خالص


وربنا يجعله عيد سعيد علينا

كل سنة وانتى طيبة يامرمر





النهاردة اليوم كالتاتى

هههههههههه



قلت امسك اوضة اوضة كدة انضف التراب والذى منه اصل عندى التراب مقلكوش

فمسكت السفرة واولا النيش فضيت كل اللى فيه بس رف رف عشان لو تعبت كنت اوقف عادى من غير ما احس ان حاجة ورايا

والحمد لله مسحته ومحسحت الحاجة اللى فيه



وبعدين الاوضة دى فيها مكتبة زوجى العزيز

وملياااااااااااااااااااااااااااااااااااااانة كتب لما بتصرخ



شلت كل اللى فيها برده رف رف

ونضفت

ورصيتهم تانى



وبعدين الاوضة فيها بلكونة صغيرة فريدة بنتى تبرعت وروقتها معايا

وخرجته لها الكراسى بره الاوضة وقلت لها سلى نفسك وامسحهم على ما امسح الاوضة

وكبيت ع الارض كلوركس الوان ودعكت بالمقشة الخشنة وبعدين نشفت بفوطة

المهم بأة وانا بفتح لزوجى باب الشقة



كانت المفاجأة



لقيت السيراميك اللى قدام الباب

بيبربق

وبين السيراميكة واختها ابيض

ودى حاجة غريبة

اتصلت فوراااااااااااااااااا



بصاحبة البيت

وسألتها

قالت لى ع السر

وقالت لى دة سحر نحطيه على اى حاجة تنضف

وريحته ديتول

ومش بيبوظ الايد

طب اسمه ايه؟؟؟؟؟؟؟؟

قالت لى ما اعرفش

بس هخلى بنتك تشترى لك منه النهاردة او بكرة

وانا مستنية اهو

الماجيك دة

عشان اجرب

اااااههههههههههه يا وسطى......اااااهههههههههه يا ضهرى
بدأت تنضيف العيد فى الشقه ويا خرااااااااااااااااشى على التعب ولسه باقى حاجات كتيييييييير ادعولى ربنا يقدرنى وخصوصا ان امن الدوله فى العمره يعنى مش هتنطلى كل شويه زى كل سنه
وتوقيعك يا صفا جميييييييييييل جدااااااااااااااااا وجزاكى الله خير على الدعوه الحلوه دي وربنا يرزقك طفل سليم معافى وتكون الولاده سهله جداااا ان شاء الله

السلام عليكم



ربنا معاكم يابنات

شدوا حيلكم الوقت ضيق



النهاردة فرشت الانتريه

ومنعت حد يقرب منه

بس لسه الستاير والسجادة

اصلى عملاله زى كسوة كدة فلبستاله

وطنت صحبة البيت حالا جابت لى الماجيك دة اللى بتقول عليه

وهبدأ

اولا كل سنه وكل الصفصوفاااااااات بخير وبصحه وسعاده

بما انى كنت ناقله فى شقه تانيه قبل ما انزل اجازه

فطبعا السجاد لسه نضيف

انا اشتلته بس وهكنس تحته وامسح وافرشه وفصلت الفريزر ومسحته والتلاجه مسحتها ورصتها

وهبقى ايوم الوقفه ان شاء الله هغير الملايات جبت ملايات جديده للسراير كلها

ومفارش للكوميدونو وترابيزه اللانتريه

وهبقى اكنس كانسه معتبره بالمكنسه وامسح بالشرشوبه وافرش االسجاد ووضبت الدوالين وظبت الادراج وكله تمام

وربنا يعينا ونخلص

وكل سنه وانتوا طيبين

ازيكم ياصفصوفات



النهاردة صحيت من النوم طبخت

وعندى هبوط فظيييييييييييييييييييييع



المهم روقت فى المطبخ كدة وانا واقفة

وطبعا انا كنت مسحة الالوميتال اللى فوق البوتوجاز بس بجيب ورق ملون والزقه عليه عشان لو فيه زيوت ولا حاجة وكمان بلف ماسورة الغاز بنفس اللون

بيعمل شكل حلو وبيحافظ



ونظفت التربو



ودلوقتى حلقت للسراير خلتها قرعة خالص



وبغسل غسلة العيد



وعلقت ستارة السرير



ووضبت الدواليب والتسريحة والذى منه



والبزازة فى الازازة وكل عام وانتم بخير

هههههههههههههه

ههههههههههههههههههه انا كمان خلصت وخليصت بس المطبخ بتاعى نظافتة مش عاجبانى وخصوصا الدرف عاوزة تتلمع من برة ان شاء الله هاقوم بدرى قبل العيال ما يصحو اعملهم وكدة تبقى شقتى الحمد لله تمام وكل سنة انتم بالف خير

كل سنة وانتوا بخير يا صفصوفااااااااات





خلاص خلصنا وتعبنا





بس الحمد لله شقتى بقت فلة فى القلة



ههههههههههههههههه