تعالى اعلمك التفصيل

عايزة تتعلمى التفصيل تعالى.

ازيكو يااحلى صفصوفات
انا عندى خبرة بالتفصيل معقوله
بقالى فترة بفصل لنفسى ولبنتى
وعندى باترون سهل ممكن اعلمهلكوا
وتفصلوا بيه بكل سهوله واى استفسار
انا تحت امروكوا ونفيد بعض ان شاء الله
الباترون دة بستعملوا فى اى حاجه عايزة اعملها
بلوزة عبايه جاكت قميص نوم هبقى اعرض عليكوا
حاجات انا عملتها بيه وطلعت مظبوطة الحمد لله

اولا الحاجات الى هنحتجها

مسطرة وقلم وورق كبير ابيض نرسم عليه

ثانيا

طريقة اخذ المقاسات والمقاسات المطلوبه
وده بنحتاج له مازورة<شريط قياس>

اول حاجة محيط الصدر
ودة بناخدة باننا بنلف المازورة حول الصدر اعلى مكان
ونسيب بين الجسم والمازورة حوالى مقدار 4 صوابع

ونسجل القياس عندنا

تانى حاجة محيط الوسط
ودة بنلف المازورة حول الوسط بالظبط منسبش مسافات

تالت حاجةدوران اكبر حجم<الهنش>

ودة بنلف المازوره حول اعلى مكان ونسيب مسافة 4 صوابع زى الصدر

رابعا طول الحاجة الى هنعملها بلوزة عباية كدا
ودى بتبقى من الكتف واحنا فى وضع قائم للطول المطلوب

طول الكتف وبيبقى تقريبا 14 او حسب الجسم
فى مقاسات تقريبا ثابته زى ايه

طول الوسط ودة بيبقى43

طول الجنب من18:20
ودة حسب طول الانسان ومبيفرقش كتير

نرسم الباترون بقى
هنعمل ايه
هنجيب محيط الصدر +4والناتج على4
مثال دوران الصدر طلع100
يبقى 100+4=104
104\4=26

ونجيب دوران الهنش ونقسمة على 4

وليك104\4=26

نبدا نرسم الباترون

هنرسم مستطيل عرضة 26وطولة الطول المطلوب
وليكن اب ج د

هنيجى عند النقطة ب وندخل 7 سم وننزل 7 سم ونوصل ربع دائرة ودى هتبقى الرقبه الاماميه

الرقبه الخلفيه هننزل 2 بس وندخل 7 برضة

ونيجى عند النقطة ا وننزل 3 ونصف او 4 ونوصل خط بين النقطة دى والرقبة

ومن ناحية الرقبة نقيس طول الكتف ونحط نقطة وننزل منها خط مستقيم

طولة عمق الابط ودة حوالى 24 فى حالة الجسم العادى لو تخينة شويتين تزودى

وبيبقى زى مستطيل صغير نعمل الحردة فيه

بعد كدة
هنقيس من النقطة ا الى تحت طول الوسط زى ما اتفقنا 43

ونحط نقطة ومنها نقيس طول الجنب 20
ونوصل خط بالعرض من نقطة 43 ومن نقطة 20

الخط الاول اسمة خط الوسط والتانى خط اكبر حجم

من خط الوسط ندخل 2 سم ونكسم الوسط زى الرسم الى جاى هيوضح كل الى قلتة
لو عايزة تكسيم اكتر بتدخلى اكتر
[URL="http://www.almlf.com"] تعالى اعلمك التفصيل Get-5-2011-almlf_com_s48crliw

تعالى اعلمك التفصيل Get-5-2011-almlf_com_s48crliw

[/URL]
طيب افرضى اكبر حجم عندك كبير
هنجيب الناتج بتاع محيط الصدر ونطرحة من الناتج بتاع محيط الهنش والى يطلع نزودة على خط الجبب لجهة الخارج
زى الصورة دى
[URL="http://www.almlf.com"] تعالى اعلمك التفصيل Get-5-2011-almlf_com_244batzz

تعالى اعلمك التفصيل Get-5-2011-almlf_com_244batzz

[/URL]

طيب افرضى هتعملى عبايه
يبقى تطولى الباترون الطول الى انتى عايزاة
وتزودى العرض من تحت من 8 :12 زى ماتحبى يكون وسع الديل وتعدلى الباترون .
علشان الديل يتظبط زى الصورة دى
[URL="http://www.almlf.com"] تعالى اعلمك التفصيل Get-5-2011-almlf_com_0o3em65v

تعالى اعلمك التفصيل Get-5-2011-almlf_com_0o3em65v

[/URL]
الخط ب د اسمه خط نصف الباترون ودة بنحطة على القماش بيكون القماش مثنى بالطول
والخط دة على الجهه المتنية

الموضوع سهل جدا بس لازم تجربى بنفسك

كدة احنا عملنا الجسم لاى حاجة عايزنها ونعدل فيها بسهولة
طبعا الباترون دة نعمل بيه عبايه بلوزة مقفوله لكن لو مفتوحه يبقنزود المرد وبطانه المرد

شرح المرد لعمل بلوزة مفتوحه من الامام او جاكت بدون كوله
نخرج من خط نصف الامام 2سم +4 بطانه المرد ونتنى من عند ال2 سم للداخل ودة شكل الباترون مقصوص وجاهز للوضع على القماش
[URL="http://www.almlf.com"] تعالى اعلمك التفصيل Get-5-2011-almlf_com_7qfp8azi

تعالى اعلمك التفصيل Get-5-2011-almlf_com_7qfp8azi

[/URL]

ودة الامام بالمرد والبطانه
[URL="http://www.almlf.com"] تعالى اعلمك التفصيل Get-5-2011-almlf_com_p8baxena

[/URL]

وده الخلف

[URL="http://www.almlf.com"] تعالى اعلمك التفصيل Get-5-2011-almlf_com_aia5c8lt

[/URL]

ونضع الباترون على القماش عكس بعضه بحيث الخلف على مثنى والامام على مفتوح
ولو ديل الامام لاعلى يبقى ديل الخلف لاسفل علشان نوفر القماش لكن لو القماش ليه اتجاه او عليه ورده او نقشه نعدل الامام والخلف فى الاتجاه المظبوط للقماش
ونسيب مسافه للخياطه حول الباترون الرقبه والابط 1 سم وباقى الباترون حسب الرغبه من 2 الى 5 سم

وطبعا بنحط القماش على نسيج طولى يعنى بطول القماش

يلا ياصفصوفات مين هتابع معايا وترسم وتورينى رسمها ونقص مع بعض ونطلع احلى شغل ان شاء الله
هنزلكوا الكم وباترون الطفل وكل الى تطلبوة بس لو لقست ردود وتقييم وناس تشجع وتشتغل معايا اوك
والى مش هتابع على الاقل تسيب دعوة حلوة بالتوفيق ياقمرااااات

بسم ا
لله الرحمن الرحيم

دلوقتى هنشرح الكم

اول حاجه ناخد مقاس الدراع من اتخن جزء فوق

وناخد طول الكم المطلوب

وليكن دوران الذراع34
وطول الكم 58
طبعا دة مثال وكل واحده تاخد مقاسها

نجيب دوران الذراع 34+10=44

44\2=22

نرسم مستطيل عرضة 22 وطوله58
ونسمى المستطيل ا ب ج د
الخط ب د يسمى خط نصف الباترون

نقسم المستطيل بالتساوى بالطول
وننزل على الخط دة 4 سم
وننزل على الخط ا ج 8 سم ونرسم الكرف
ونيجى بقى لفتحه الكم من تحت
لو عاديه لا واسعة ولا ضيقة
بتكون 14 سم
ندخل من النقطه د 14 ونحط نقطه ونوصل الخط
زى الرسم

[URL="http://www.almlf.com"] تعالى اعلمك التفصيل Get-5-2011-almlf_com_3mupk8kd

تعالى اعلمك التفصيل Get-5-2011-almlf_com_3mupk8kd

[/URL]

كده يبقى عملنا الكم والخط ب د خط نصف الباترون
يوضع على قماش مثنى بالطول
ولو كم واسع من تحت بنعدل زى ما نحب
وبرضة لو ضيق على قد الايد بنعدله

حبيبتي شكرالك على لموضوع ممكن تعلميني انابحب لخياطه اوي بس مافهمتش يعني انتي كاتبه بالمصري وانابفهم بس مش كل حاجه

مش فاهمه ايه وانا اوضحهولك يا قمر وبعدين انتى كاتبه مصرى كويس اهه منوره المنتدى انا معاكى اى سؤال سيبهولى وهتلاقى الرد ان شاء الله

اسفه حبيبتي لاني مارديت بدري عليكي هوايه الباترون ونجيبه منين وقلتي نعمل حرده ايه هي وايه الهنش ومش فاهمه حاجه من لصورهوانتي عندك موقع يعلم بالفيديوممكن تفيديني جعلك الله من كل ضيقامخرجا

الباترون هو الورق الى بترسميه عن طريق مقاساتك
اى ورق شفاف او غيره عنك يكون كبير وترسمى عليه عن طريق مفاساتك الشخصيه
فيه حرده الرقبه وفيه حرده الابط الى هى بيركب فيها الكم التقاء الكم بالجسم
الهنش هو اتلارداف او اكبر حجم اسف الوسط بشويه
ومعنديش موقع ولا حاجه واى استفسار انا معاكى وشكرا على دعوتك الحلوة

» عندك سؤال عن التفصيل؟ عايزه باترون موديل معين؟طيب تعالى
» عايزة تفصلى اسدال صلاه وملكيش فى التفصيل
» تعالى اتفرجى .................
» تعالى شوفى تعبيراااااااااااااات للاطفااااااااااااال
» تعالى بسرعه ياعروسه