وثيقة اتفااق

موضوع: وثيقة اتفااق الأربعاء 22 يونيو 2011, 1:19 am

وثيقة اتفاق
السلام عليكم ورحمة الله وبركاته

ازيك ياصفصوفاتى يا حلوين انا النهارده جيبالكم هديه والله هديه بس للى يطبقها
هديتى النهارده لكل واحده لسه مخطوبه جديد او لسه متجوزه جديد او حتى للى متجوزه بقالها فتره

حشرحلكم الوثيقه هيا عباره عن وثيقه انا وجوزى اتفقنا على بنودها من ايام الخطوبه وطبعناها ومضيناعليها وبنطبق بنودها بقالنا 4 سنين سنتين خطوبه وسنتين جواز

نفسى بجد كل واحده تتفق مع خطيبها او جوزها على البنود دى وتحاولوا جاهدين انكم تطبقوها وياريت تبقوا تقولولى رأيكم

وثيقة اتفاق

1-اللى زعلان من التانى يطلع كل اللى جواه وميكتمش فى نفسه علشان ميتولدش جواه كره

2- الموضوع اللى اتعاتبنا فيه واتصافينا منه منرجعلهوش تانى يعنى منقلبش فى اللى فات ..

3-محدش ينام وهو عارف ان التانى زعلان منه علشان المشكله اول ما بتبدأ بتبقى صغيره وسهله الحل لكن لما بتبات بتكبر والعند بيزيد وبتبقى صعبه الحل يبقى منامنش ابدا واحنا زعلانين ..
4-
أ- نشيل العند من قاموس تعاملنا يعنى منقولش هو اللى غلطان وكمان اروح اصالحه اللى يقدر على التسامح والصلح يبدأ حتى لو مكنش هو اللى غلطان ونشيل حته الكرامه ..
ب- اللى غلطان يعترف ويعتذر وبلاش تكبر ..

5-
أ-المشكله تفضل بينا متطلعش لاى حد بره ولا حتى اقرب الاقربين لان اى حد بيتدخل بيولعها نار فلاحسن اننا نحل مشكلتنا بين 4 حيطان..

ب- او حتى فى الحاجه الكويسه اى سر بينا محدش يعرفه وخصوصا لو كان حد فينا امن التانى انه ميقولش لحد ..

6- محدش يخبى عن التانى حاجه ابدأ اى حاجه بتحصل بتخصنا احنا الاتنين يبقى مفيش حاجه اسمها ده يخصك وده ميخصكيش يبقى فى بينا روح المشاركه بأن كل واحد ميكدبش على التانى ولا يخبى عنه حاجه ابدا مهما تكون صغيره ...

7- كل واحد يحاول بقدر الامكان انه يتنازل ويقدم تضحيات ويعدى للتانى علشان الحياه تمشى لان لو كل واحد عند واتمسك برايه مش هتبقى حياه ..

التوقيع
* طرف اول الزوج :
* طرف تانى الزوجه :
الموافق

يارب الموضوع يعجبكم ومستنيه تعليقاتكم واقتراحاتكم

فكرة حلوة كتييير

تسلمي

» وثيقة أمريكية تكشف دعم واشنطن لـ"صالح" بالأسلحة لقمع المتظاهرين