وردات الجولاش المحشيه

المقادير: جلاش ... بالكمية اللى تناسبك
سودانى مفروم ناعم ... او اى مكسرات تحبيها
سمن سايحة ... او زبدة سايحة
شربات او قطر التحضير: 1-نفرد الجلاش وياريت لو كان صابح
ولو كان محطوط فى الفريزر يبقى نطلعه قبل ما نبدأ فى الشغل بفترة كفاية بحيث انه يكون فك خالص وبقى طرى
هناخد واحدة جلاش بس فى كل مرة

2-نبدا ندهن الجلاشاية بتاعتنا بالسمنة السايحة او الزبدة بس المهم انه يكون دهن خفييييييييف جدااااااااااا

3-هنبدأ نفرد شوية سودانى او المكسرات المفرومة ناعم على طرف الجلاشاية

4-نلف الجلاشاية بايدينا الاتنين علشان نعرف نتحكم فيها وتبقى مظبوطة من الناحيتين وما تتقطعش مننا
الجلاش اصلا بيتحايل على نفسه علشان يتقطع ... فناخد بالنا ونلف بشويييييييش
خدوا بالكم تكونوا مبحبحين ايديكم شوية ... يعنى ما نبرمش الجلاش جامد وياريت نسيب جوا شوية فراغ

5-مش هنلف الجلاشاية للاخر ... لا ... هنسيب فيها حوالى 3 سم فى الاخر من غير لف علشان ده هيبقى ورق الوردة
بعد ما بقى عندنا الجلاشاية عاملة زى الماسورة المحشية بالمكسرات نلفها على شكل حلزون
بس ناخد بالنا من اننا نسيب ال3 سم اللى كنا سايبينهم من الاول خارج الورده وبشكل عشوائى كانها ورقات الوردة

6-بعد كده ناخد وردتنا الحلوة ونحطها فصينية مدهونة بالسمن ونحط الوردة جنب الوردة حتي تمتلئ الصينية
وندهن اطراف ورقات الورد بشوية سمن خفيف علشان تبقى لونها دهبى لما ندخلها الفرن

تسلم الايادى يامرمر
التقيييييييييييم+++++

الله عليكى ياجميل وصفاتك كلها تجنن تسلمى يا حبيبتى