الشعر ك خشن والمجعد والهايش والجاف ومابتستخخدميش حاجه نافعه ليه تعالي

موضوعي النهاردة خفيف وبسيط عن الشعر الخشن والمجعد والهايش والجاف

طبعا

رأيي في الموضوع دا معروف

الفرد بأنواعه مضر.. عارفه إنه ضروري خصوصا مع الشعر المجعد

سواء الحنة السودا أو فرد الجلات أو فرد الكيراتين أو أي نوع فرد

حتى فرد الكيراتين تعتبر نسبة الفورمالين فيه أقل من أي فرد تاني لكن برضه فيه مضرة على الشعر أي نعم هو أقلهم ضررا :shock:

وفيه أنواع بيقال إن مافيهاش فورمالين خالص وإنها بس بتعالج .. رأيي ماعتقدش إن فيه أنواع كدا لان لو فيه كدا فهي مش بتفرد ومفعولها هايروح بعد شهر

المهم

أي عروسة مثلا بتسال هاعمل فرد أقولها بلاااش ولو لقيتها مصممة بقولها إتحملي إنتي المسئولية يعني أنا نصحتك بلاش

لأن الفرد يا بيصيب يا بيخيب

ولو خاب وضر الشعر مالوش علاج بتضطر تستنى لما الشعر ينمو تاني

لأن الشعره اللي بتتحرق مالهاش علاج

وطبعا السشوار ممنوع تماما مشاكله كتير جدا

والمكواه العادية اللي زي عند الكوافيرة نفس الشئ

مع كتر الإستخدام بتحرق الشعر وبتضره

طبعا كلامي دا للإستخدام المتواصل

يعني لو استخدمتي سشوار مره عادي مافيش مشكلة للضروريات مثلا

طيب اللي هاتتجوز أو متجوزة تعمل ايه؟

أنا شايفة إن مكواة السيراميك تعتبر أخف حاجة مضرة على الشعر خصوصا إنها بتتعمل على الشعر وهو جاف تماما مش مبلول

مش بقول إنها مش مضره .. لكنها أقلهم ضرر وطبعا إستخدامها مايكونش يومي مع عمل حمام كريم مرتين بالأسبوع

..:.:.:.:..

المهم موضوعنا هو طريقة ترطبي بيها شعرك الجاف والخشن والمنفوش وتنعمه وتعطيه لمعة بطريقة طبيعية ومش مضرة

مش هاقول الطريقة دي بتفرد الشعر , لكن فعلا هاتلاقي فرق في نعومة الشعر وملمسه

لازم الطريقة دي تستخدم على الشعر وهو مبلول يعني بعد غسل الشعر وهو رطب ومبلول بسيط يعني بعد تنشيفة بفوطة فقط

الطريقة:

= نقاط بسيطة من أي سيروم تحبيه (حوالي 5 نقاط)

زي سيروم لوريال

أو سيروم زيرو فريز

أو أي سيروم ترتاحيله

+

= نقاط بسيطة من تونيك الفازلين الشفاف ( حوالي 4 نقاط)

ودا سائل شفاف ريحته رائعة زي جوز الهند

تخلطي الإثنين مع بعض في كف إيديكي وتخلخلي صوابعك بين شعرك فقط وليس فروة الرأس

وماتنسيش تاني الشعر يكون رطب

وماتكتريش علشان الشعر مايزيتش , كمية بسيطة جدا كفاية

وسرحي شعرك ولفيه طاقية لحد ماينشف

النتيجة اللي المفروض تلاقيها: الشعر فيه لمعة وريحة حلوة ورطب بدون مايكون مزيت وطبعا مفرود قليلا علشان لف الطاقية بيفرد الشعر شوية على حسب درجة خشونة الشعر

السيروم متوفر بالصيدليات ومحلات التجميل

أما تونيك الفازلين فدا متوفر بالقطع في الصيدليات ومحلات التجميل لأنه سعودي أصلا

تكلفة الوصفة: موفرة جدا لأنها هاتستمر معاكي فترة طويلة يمكن سنة

تونيك الفازلين بالذات بيقعد معاكي فترة طويلة جدا
وشكراولوعجبكم ياريت بقه تقيموا لييييييييييييييييييييييييييييييز

هجربها ان شاء الله
بس هنا مافيش مول يا ياسمين
تسلمي يا قمر

بصي ياقمراناكنت مسجله في منتدى وكنت كاتبه لموضوع ده فانسخته وحطيته اهوالله وكنت مشتريته من لمول بتاعهم بقه اسفه ياقمر

اي افستفساراوخدمه اناتحت امركم

ولا يهمك يا ياسمين
تسلم الايادي يا قمر

شكرا يا قمر

تسلم ايدك ياقمراية

تسلموا

شكرا ليكي أوي علي المعلومات المهمة أنا هابقي أقول لأصحابي عليها

شكر جزيلا للطرح القيم
ننتظر المزيد من الابداع من اقلامكم الرائعه
تحيتي وتقديري لكم
وددي قبل ردي .....!!

» صفصوفه تعالي تعالي عندي استفيدي وفيدي(متجدد)
» صفصوفه تعالي ورايا
» اتحداك صفصوفه ماتدمعش عينك تعالي هنا
» لفات حجاب بالصور..تعالي وتعلمي
» تعبتي من لرجيم ولرياضه عاوزه حل تعالي هنا