ارجو التفسير ليطمئن قلبى

السلام عليكم ورجمه الله وبركاته
انا باسمبن مش متجوزه ومرتبطه بشخص ومتقدم لى ولكن فى مشكله حصلت من ناحيته وقفت الارتباط مؤقتا عندى 26سنه وعلاقتى بربنا متوسطه بس زادت مؤخرا الحمد لله زطبعا كنت بفكر انى عايزه اتجوز الانسان ده والمشكله تتحل
انا حلمت انى كنت مع بابا وماما وجدتى كانت معانا وكان معانا واحد صاحب بابا راكبين فى عربيته ولما قربنا بسيط من بيتنا بابا قال نوصل مامته الاول وراح وصلها وبعدين انا وهو وماما نزلنا من العربيه بس انا وماما سبقنا وهو اتاخر شويه عشان كان شايل حاجه تقيله واحنا ماشيين لقيت انا وماما بندوس على طريق مفروش بسنابل القمح فيها اخضر وفيها ناشف وفيها بايظ انا قلت ده مش حد الخوص بتاع المسيحين امال ايه ده وركزت لقيت قمح فعلا المهم بقى قعدت اول اخد واحده وفضلت ادقق وادور على واحده حلوه وخضرا ومش بايظه كده لقيتها فعلا كانت خضرا وجميله بس بصيت لاخرها لقيت نقطه سودا زى مكان رطوبه ميه كده ومسكتها فى ايدى قلت هاخدها ازرع حبه منها وادى الباقى لباب وماما يزرعوها فى المقابر عند اخويا اللى مات وبهد ماخدتها ببص وانا ماشيه لقيت جزمه منسوجه من الغله ومتعلقه على شجره كانت فرده واحده بس وبردوا من تحت زى مايكون جه ناحيته مبه من كعبها

السلام عليكم

خير ان شاء الله

بصىياقمر الحلم معناه انك لا تتسرعى فى قرارك تجاه هذا الشخص

انتى وجدتى السنبلة خضرا ودة رمز للخير والرزق لكن فى نهايتها نقطة سودا مهناه حدوث مشكلة او زى ما بنقول (الحلو ميكملش )

والحذاء برده هو زوج او عريس وكون انه فردة واحدة وبرده فيها مية هو حدوث بعض المشكلات اللى ممكن مش تكمل الموضوع لا قدر الله

وانتى بتقولى ان فيه مشاكل فعلا

أسأل الله العظيم ان ييس لكى الخير حيث كان

والله اعلى واعلم