حلم مخوفنى جدا

color=red][/color]انا حلمت ان انا وماما كنا بنصلى فى الجامع
وكنا خارجين من الجامع علشان نروح عند الجواهرجى علشان نشترى منه حاجات بس انا مش عارفه لمين ليا ولا لاحمد اخويا
المهم ماما بتقولى هو انت جبتى شنطتى فقلت لها لأ
انا معايا فلوس وبعدين قالت لازم يكون معايا الشنطه فوجدت احمد اخى جاى ومعاه الشنطه واعطاها لماما وكانت الشنطه منفوخه علشان فيها فلوس كتير
وبعدين دخلنا حاره ضيقه جدا وكان فيها بلكونه فى الدور الارضى
فيها طبق غسيل هدوم عاوز يتنشر يعنى بس احنا منعرفش بلكونه مين ده
وكان فيهاالمحل بتاع الراجل الجواهرجى
بس باب المحل كان باب شقه وكان مقفول وماما قالت هى الساعه كام فقلت لها الساعه8.5 والراجل بيفتح الساعه 9
احنا جانا بدرى وبعدين قلت لها
احنا لما جانا المره اللى فاتت كان فاتح علشان جانا متاخر
وكان فى الباب ده عين سحريه كانت عاجبه ماما
فقالت خلاص نستناه وكنا سندين على عربيه مركونه امام المحل
ووجدنا فى الارض سمك بلطى جميل جدا وكبير وحلو وبعدين انا بقول لاحمد
اخويا هو السمك ده اللى الناس اصطادوه امبارح فقال ايوه
لما سمعنا صوت الطلق بتاع النار بالليل كانوا الناس بيصطادوا السمك
انا فى الحلم كنت عارفه ان السمك ده فى السما زى الحمام والناس بيصطادوه زى الحمام بالبندقيه
وبعدين ماما قالتلى تعالى ناخد السمك من الارض ده شكله حلو ولكن انا قلتلها لأ
لانه كان ميت مع الرغم انه كان شكله حلو
ولكن من الجنب كده كانت الزعنفه مقطوعه وفيها زى الدم كده يعنى زى ما تكون الطلقه جت فيهامن الجنب وانا مردتش اننا ناخده علشان الناس اصطادوه يعنى موتوه وفضل فى الارض جنب رجلينا
(فى الحقيقه الشارع اللى فيه بياع الدهب شارع واسع مش اللى كان فى الحلم خالص وباب المحل عادى زى اى باب لمحل)ايوه واحنا كنا واقفين ننتظر الراجل سمعنا صوت الراجل زميل بابا فاتح محله فماما قالت نروح نقعد عنده لحد ما الراجل يفتح المحل
مع العلم برده ان زميل بابا محله مش فى المكان ده وهو اصلا بيبيع دواجن
ومسيحى