عملتى الرقاق ازاى فى العيد انا عملته كده

عشان الرقاق يطلع حلو وطعم
ولذيذ لازم الشوربة تكون حلوة ودسمة زي ما قولت لكم في الفتة والسر بقى في
الطعم المميز انك تضيفي للشوربة معلقتين قشطة وتكون الشوربة ساخنة جدا

تعملي العصاج كالمعتاد لكن يفضل
انك تضيفي له عصير طماطم او كمية قليلة من صالصة الطماطم وتضيفي له ملعقة
صغيرة سكر و ملعقة صغيرة روزماري بتعمل طعم مميز ولو مش متوافر يكفي فلفل
اسود وملح وشوية قرفة

والطريقة مهمة انك تاخدي كل واحدة من الرقاق تسقيها بالشوربة الساخنة لكن لا تخليها كتير في الشوربة عشان ما تعجن ولا تتكسر

وترصي في الصنية وبين كل
رقاقة والتانية تضيفي شوية من العصاج وشوية صغيرة من السمن السايح وعشان
يتحمر كويس لازم تضيفي في ارضية الصنية كمية مناسبة من السمن وكمان على
الوش

والتسوية مهمة جدا لو الفرن
بتاعك حلو ومش بينشف الاكل سويه في الفرن لكن لو الفرن صحته على أده سويها
على عين البوتجاز احسن ولازم أنك تهدي النار جدا وتقلبيها باستمرار ولما
تحمر تعمليها على الوش التاني بنفس الطريقة ولازم يكون دهبي وجميل في
التسوية يعني راعي انك لا تزيدي عليه التسوية

جربوها هاتعجبكم باذن الله

شرفتينى طبعا يصفصف

جازاك الله خيرا

وبارك فيك على الطرح الطيب

تحياتي

» عملتى الرقاق طيب اخبار الفتة ايه
» الرقاق باللحمه المفرومه....يممممممميييييييييييييييييييي
» === طريقتين لخبز الصاج ( الرقاق ) مفيش اسهل منهم ===
» ازاى نقضى على البقع
» ازاى تنزلى صور فى موضوعك ؟؟؟؟؟؟؟؟؟؟؟؟؟