حلم بجدى المتوفى

ماما حلمت انه كان عندنا فرح وناس كتير وكراسى ولكن

بدون اى موسيقى ولا هيصه خالص

وبعدين كان جدى المتوفى جالس ومعاه طفل ضغير

وليه لحيه بيضاء وقام اداه لماما وقال لها لبسيه بنطلون لانه مش لابس بنطلون

وبعدين ماما اخدته وادته لوحده هى مش فاكره مين وقالت لها لبسيه بنطلون

وبعدين سألت على اسم الطفل ده فقاموا ردوا عليها وقالوا لهل اسمه مصطفى

فقالت ازاى تسموا الولد على اسم ابوه

فقالوا علشان اسم مصطفى حلو يعنى

وبعدين لقت واحده ست كده هى مش عارفاها واقفه



ومعاها طفل ضغير برده وبعدين هى اما لقت المعازيم كتير

وهى معملتش اكل فراحت عند البقال واشترت شويه

بسكوت وكيك وحاجات كده وكان الحساب 37 جنيه

والبقال اداها كيس مفتوح وهى ماخدتوش وقالت له لأ

انت مستعمله وعاوز تدهولى

وقالته انا هبقى ابعت ليك الفلوس

وبعدين صحيت من النوم

وهى مستغربه من لحيه الطفل ده اللى كانت بيضاء

انا جدى متوفى وعندى خالى

مش بينجب واسمه مصطفى

انا فى انتظار الرد ضروري

قولى لى يا قمر هو عدم الانجاب من خالك ولا زوجته؟

العيب من خالى نفسه

وليس من زوجته

بسم الله

ان شاء الله خير

هو اولا الفرح اللى من غير موسيقى دة ان شاء الله مناسبة سعيدة جاء جدك ليبشركم بها ان شاء الله



اما الطفل دة هو نفسه خالك

لانه مهما يكبر ويكون له لحية فهو بالنسبة لجدك طفل صغير ويبدو ان جدك زعلان عشانه وعشان حكاية عدم الانجاب

فبيطلب من مامتك انها تلبسه يعنى تاخد بالها منه وتزيد فى صلتها بيه

دة اللى واضح ادامى فى الحلم

والله اعلى واعلم