تعالى شوفى نفسك انهى فى دول

ازيكم يااحلى صفصوفات

وانا قاعده كده بفكر فى الدنيا والحياه الزوجيه

من الى بشوفه واسمعه حواليا جاتنى فكره

معرفش هتوافقونى عليها ولالا

او قصدى رايكم زى راييي ولالا

الحياه الزوجيه دى تنقسم لقسمين وقسم منهم بينقسم لثلاثه اقسام

القسم الاول انك تدخلى الحياه دى تلاقى نفسك انتى وهو فى وسط مركب وبتجدفوا علشان توصلوا لبر الامان

وفيه بينكم حاجه حلوة بتدفعكم لتحمل الامواج وتعب التجديف غير الاولاد طبعا

القسم التانى بقى الى بينقسم لثلاثه اقسام

1 تلاقيكى انتى وهو فى وسط الميه وبتدفعوا المركب انه يمشى وينزل فى طريقه الصحيح

يمكن تعرفوا تركبوا وتمشوا

2تلاقوا نفسكم فى وسط الميه وبرضه بتدفعوا المركب علشان يمشى بس جواكم نفسكم ميمشيش بس بتنالوا شرف المحاوله

3 برضه نفس الحكايه بس كل طرف فيكم مصمم يمشيه مش حب فى كده لكن علشان مقدمهوش غير كده
بمعنى ضربوا الاعور على عينه قالوا خربانه خربانه

فالمركب ده اضمن من غيره او اهى محاوله نفعت نفعت منفعتش هى خربانه خربانه

نيجى بقى للمهم كل ده جه ازاى

البنت فينا تقعد ياعينى مستنيه يوم الفرح وتلبس وتتزوق ويخلص الفرح وتركب العربيه الى هتوصلها لبر الامان والاستقرار

بس للاسف بقى كل واحده وحظها وياتوصل لبر الامان الى هو الاختيار الاول

او حظها يكون فى 1او2او3 من الاختيار التانى

ياترى كل ده قضاء وقدر بس رايي لالالالا فيه جزء كبير علينا

ازاى
يعنى لما اهل الزوج يحاولوا جاهدين لتنغيص الحياه ويلاقوا سلبيه من الزوجين

ولما يكون فى اختلاف واضح فى الشخصيتين ملوش حل ويصمموا برضه يزقوا ويتعبوا نفسهم

اعتقد انه هيغرق هيغرق وعمرهم ماهيركبوا ابدا هتفضل رجليهم فى الميه

لما يحاولوا جاهدين ان حب العشره بلاش الحب التانى ماهو فيه حب بيجى بالعشره والعيش والملح
ميجييش يبقوا عايزين ايه؟

اذا كانت الدنيا زى المريجحه زى ما بيقولوا من تحت لفوق

والجواز زى البطيخه والبطيخ كله اقرع الايام دى وحتى لو احمر فمااااااااااااااااااااسخ

تفتكروا الناس تعمل ايه؟

تفتكروا من السلبيه ان الست تسيب الى قدامها يضيع حياتها ومش شرط الزوج ممكن يكون اهل الزوج

ولو هى قاليله الحيله تعمل ايه

انا جمعت الافكار دى كلها من حياتى ومن حياه صديقاتى الست تضحى تضحى تضحى

وفى الاخر ممكن تكون هى الاضحيه نفسها

احنا عايزين قاسم امين من تانى يجبلنا حقوقنا