اهلا اهلا باحلى صفصوفاااااات
طبعا زمانكم تقولوا هى ايه حكايتها كل يوم تعملنا اكله
انا بعملها عشان خاطر اختى صفا وكمان عشان عوزاكم تعملوا زى اطبخى وصورى ونزلى هنا فى منتداااااااناااااا
النهارده عملت صنيه سمك تونه محشيه فى الفرن
المقااااااااااااااادير
1كيلو سمك تونه او حسب الكميه اللى انتى عوزاها
2توم متقشر
3شبت
4طماطم
5فلفل اخضر
6بصل
7جزر وبصراحه عند ماما مكناش بنحط الجزر بس قلت اما اجرب وطلع طعمه يجنن
8كسبره خضره
9 طبعا بهاراتك ملح وكمون وكسبره ناشفه وبهارات سمك
10ليموووووووووووووون
الطريقه
طبعا هنضف السمك كويس ونعصر عليه ليمون وشويه دقيق ونشطفه خلاص ويكون جاهز على الحشو
ونكون مجهزين الحشو طبعا زى حشو السمك المقلى توم وشبت وليمون وكمون وملح وبهارات سمك
ونجيب المكونات بتاعت الحشو ونغسلها كويس طبعا
ونقعها بالشكل ده
وبعدين نخلطهم مع بعض ونحط عليهم البهارات واديها تقليبه مع بعض
وطبعا نجيب السمك ونحشيه بالخلطه اللى جهزنها
وبعدين نحطها فى الصنيه وبقيت الحشو نحطه عليها من فوق
وحطيت على وشها شويه زيت ودخلتها الفرن وده شكلها بعد ما طلعت
وطبعا معاها الارز الابيض والسلطه الخضره وشويه جرجير من قلبك يحبه
انا كده خلصت ومستنيه تفاعلكم مع الموضوع
والتقييييييييييييييييييييييم