[center]
صفصوفاتى الغالين وحشتونى والله وكل سنة وانتم طيبين انا كنت ناوية انزلكم كحك وبسكوت العيد وفى اخر لحظة غيرت رأيى وقلت فى نفسى كل حبايبى شاطرين فى حاجات العيد وقلت اوريكم شطارة بوسى وخبيزها اللى جنن جوزى وخلاه دايب دوب فى حبى هههههههههههههههه مش ح اتكلم خالص
المقادير \\\\\\\\\\\
دقيق ابيض
دقيق اسمر
خميرة بيرة
ملعقة كبيرة سكر
ملح
ماء دافىء للعجن
وطبعا الردة او النخالة والكميات حسب كمية الدقيق
الطريقة \\\\\\\\\\\\\\
ينخل الدقيق ويقلب على بعضة كويس
تذاب الخميرة فى قليل من الماء الدافىء مع ملعقة السكر وتترك جانبا حتى نعجن العجين بالماء الدافىء والملح ونراعى ان يكون الملح معقول عشان العيش ما يصبحش مالح وبعدها نضيف الخميرة ونضرب العجين جامد حوالى عشر دقائق لنسمح بدخول الهواء داخلها وبعدها تغطى وتترك حوالى ساعة ونصف او ساعتين حتى تمام الخمر ويكون شكلها بعد الخمر هكذا
وبعدها نرش الرده ونقوم تقريصه بالشكل ده مع ترك مسافات معقولة لسهولة رفعة بعد كدة بالشكل ده
ودى صورة تانية لعيونكم
و
يترك العجين فى الصيف نص ساعة وساعة لو فى الشتاء وبعدها يخبز ودى الصور خطوة بخطوة يااااااااااااااااا جمالو يا جمالوووووووووو
بسم الله ما شاء الله طبعا انا كل مرة يتنفخ الرغيف ارقص من الفرحة
ودى صورة لحبيبة قلبى ميرو ووووووووووو
وطبعا منسيتشى الفتة بتاع العيد فعملت عيش محمص وده شكلة
شوفتو الشقة مفتوحة ازاى دا دليل نجاح العيش
اتمنى من الله ان ينال موضوعى اعجابكم يا قمرات وكل عيد وانتم بالف خير وصحة وسعادة
الثلاثاء 13 أغسطس 2013, 4:29 am من طرف 
موضوع: العيش البلدى حصرى من مطبخ بوسى المدلع 
