تفتكروا دى ولادة مبكرة يابنات؟؟؟؟؟؟؟؟

السلام عليكم
انا لسة فى اول السابع يابنات
فى اول اسبوع منه
المهم انى باخد
يوتوبار
قرص صباحا وقرص مساء
من اول السادس عشان كنت تعبت
وعندى تاريخ ولادة مبكرة
بس من امبارح وفيه الم فظيع فى المهبل كدة وتقل ووجع لدرجة انى مش عرفة اقعد ومضياها بمشى كدة فى الشقة كأنى هولد
اتصلت ع الدكتورة قالت لى على حقنة مسكنة اخدتها ولازلت تعبانة
انا هروح لها بكرة ان شاء الله
بس عوزة اعرف اللى حصل معاها كدة تدخل تطمنى

---------------------------------------

اللى تعرف واحدة ولدت فى السابع نفسه مش فى اخره تدخل تطمنى

ان شاء الله ياحبيبتى خير

جايز يكون نازل بس بيلعب شويه وهيطلع تانى هههههههههههههههه

هتلاقيه تقل بس متقلقيش

وبرده روحى للدكتوره عشان تطمنك ان شاء الله خير

مانا ان شاء الله هروح بكرة الصبح

ربنا معاكى يااوختى ويطمنا عليكى ان شاء الله

هوهتكملى التاسع كمان ونتحايل عليكى تولدى ههههههههههه

ربنا يطمنا عليكى انتى والنونو ويقومكم بالسلامه

معلش يا صفا سلامتك حاسه بيكى والله وبقلقك ربنا يكملك على خير
انا وانا حامل فى لولو حصلى كده فى التامن بس انا قلوقه قوى والحمد لله طلع كويس القلق يعنى روحت للدكتور وادانى مثبت للحمل حقنه وحاجات تانيه مش فاكراها وقالى نامى على ضهرك عنده فى العياده متتحركيش غير لما المغص يروح وبعدها بشويه راح الحمد لله وكملت التاسع كمان عقبالك

واحده قريبتى بقى صبرت بس كانت فى السابع وقالت الصبح تروح الدكتوره زعقتلها وولدتها وقالتلها لو جيتى بدرى كنت لحقتك بس البنوته بخير بس دخلت الحضانه كتير روحى النهارده على طول متصبريش ويمكن قولون اصله لعنه وميتعرفش من الولاده
طمنينى عليكى

خير ياصفا ان شاء الله

ابقي طمنينا عليكي لما ترجعي من عند الدكتورة ان شاء الله

ربنا يقومنا بالسلامة

خير ان شاءالله ياصفا وربنا يقومك بالف سلامه انتي واليبيبي يارب ياحبيبتي وطمنينينا عليكي خير ان شاءالله

ربنا يطمنك يارب

اصل انا بولد قيصرى

وميحصليش اى تعب

الف سلامه عليكى يا صفا
بصى يا قمره هو اكيد ان شاء الله تقل عادى
انا طول فتره الحمل من اولها فى جودى
كان كلها طلق ولاده
وفى السابع كله لحد ما ولدت فى اول اسبوع فى التاسع
كل ده كان تقل والم والدكتور كان بيمشينى
بالعافيه علشان اوصل للتاسع
والحمد لله ولدت فى التاسع
انت بس اهم حاجه
=======
تتابعى عندى الدكتور بالكتير كل اسبوعين
لو قدرتى يبقى كل اسبوع يبقى افضل
واى الم مهما كان بسيط اتصلى بيها واوصفلها الالم
هى هتمشيكى لحد ما توصلى لبر الامان اكيد
واوعى تشيلى تقيل او تمشى كتير
وارتاحى على ظهرك كتير جداااا
وكلى كويس يا صفا علشان البيبى كده كده
بياخد منك الغذا اللى بيحتاجه مش ليه دعوه
انت كلتى ولا نو ولو مش كلتى كويس
هيأثر على صحتك وهتحسى بالتعب من اقل حركه
ليكى او للبيبى
وربنا معاكى يا رب
وربنا يرزقك بطفل سليم معافى
بدون زياده او نقصان يا رب العالمين
===========
===
=

انتي فين يا صفا يا حبيبتي
تعالي طمنينا باه يا قمر
انا لسه شايفه موضوعك يا قمر
ان شاء الله خير
التقل اللي تحت والتعب ده شئ طبيعي بما انك دخلتي السابع يا صفا
ربنا يطمنك يا قمر
يالا مستنينك تطمنينا

صفاااااااااااااا عملتى ايه طمنينا عليكى بسرعه

طمنينا عليكي ياصفا

والله انا قلقانة عليكي من امبارح

وفي بالي وبدعيلك

السلام عليكم

ربنا يخليكم ليا يا بنات

انا لسة راجعة اهو من عند الدكتورة

كشفت نسا ولقت الرحم الحمد مقفول فقالت لى قللى كمية المثبت عشان الرحم يبدأ يفتح

وكتبت لى على مسكن

هى المشكلة انه الجنين مقعدته ورجله تحت

ودة اللى تعبنى مش بعرف اقعد كويس من غير الم

واخدت حقنة التطعيم

قالت لى ارتاحى واتغذى كويس وطلبت تحليل انيميا

ربنا يخليكم ليا يا بنات

والله انتوا متعرفوش ا\نتوا بالنسبة ليه ايه

زى سالى وساندى بالظبط

هقوم ارتاح شوية وارجع تانى ان شاء الله

طيب الحمدلله ياحبيبتي انك اتطمنتي

كنا قلقانين عليكي اوي

والبيبي ده لما يجي بالسلامة انا هوريه هبوسه هههههههه

كله يهون عشان خاطر نشوفهم قدامنا يارب

قومي ارتاحي ياصفا ونشوفك بالليل ان شاء الله

والف مليون سلامة عالحلوين

طب الحمد لله يا قمر انك بخير
سبحان الله ربنا قال حملته امه وهنا علي وهن
ومرة تانيه حملته امه كرها ووضعته كرها

يعني هما مش بيجو بالساهل
لازم يطلعو عنينا
ربنا يتم حملك وحملي علي خير يا قمر

الحمد لله انك بخير يا حبيبت قلبى
يا رب تقومى بالسلامه انت والبيبى يا رب
ويفرح قلبك يا رب
======
خلى بالك من نفسك وكلى كويس جدااا
ربنا معاكى
====
=

الف سلامه يا صفا بس لما يجى عتريس افندى ده واشوفه هوريله شغله اشوفه مغلبك ليه من اولها هههههههههههه

miss you كتب:: طيب الحمدلله ياحبيبتي انك اتطمنتي

كنا قلقانين عليكي اوي

والبيبي ده لما يجي بالسلامة انا هوريه هبوسه هههههههه

كله يهون عشان خاطر نشوفهم قدامنا يارب

قومي ارتاحي ياصفا ونشوفك بالليل ان شاء الله

والف مليون سلامة عالحلوين

تسلمى لى ياقمر

وانا كمان ان شاء الله لما ييجى هقطعه بوووووووووووس

beboofgc كتب:: طب الحمد لله يا قمر انك بخير
سبحان الله ربنا قال حملته امه وهنا علي وهن
ومرة تانيه حملته امه كرها ووضعته كرها

يعني هما مش بيجو بالساهل
لازم يطلعو عنينا
ربنا يتم حملك وحملي علي خير يا قمر

تسلمى لى يارشرش

اه فعلا كل شوية زوجى يقولى الايتين دول

سبحان الله

وربنا معاكى يارشا يارب ونطمن عليكى قريب

roshaa2029 كتب:: الحمد لله انك بخير يا حبيبت قلبى
يا رب تقومى بالسلامه انت والبيبى يا رب
ويفرح قلبك يا رب
======
خلى بالك من نفسك وكلى كويس جدااا
ربنا معاكى
====
=

تسلمى لى يارووووووووووووشا

حاضر هتغذى كويس متقلقيش

لولوحبيبتى كتب:: الف سلامه يا صفا بس لما يجى عتريس افندى ده واشوفه هوريله شغله اشوفه مغلبك ليه من اولها هههههههههههه

هعمل ايه بقى

فريدة برده كانت تعبانى اوووووووووووووووى بس هى بأة الرحم كان فاتح من بدرى

الحمد لله على كل حال

ربنا يهونها

» تفتكروا الاجازة الجاية هنعمل ايه
» ملياردير أمريكى يشكك فى ولادة أوباما على الأراضى الأمريكية
» ماسك الخيار روعة يابنات
» مبرووووك يابنات المنتدى نزل على جوجل
» المصحف الذى طال انتظاره لا يفوتكم يابنات