مخطوبة..... وعايزة تعيشى اجمل فترة فى حياتك من غير خناقات يبقى لازم تدخلى

وحشتونى اوووووووى ياصفصوفات

كل واحدة تقرا الموضوع دة والله العظيم لو فهمناه ونفذناه مفيش واحدة هتشتكى

من كتر المشاكل اللى بتحصلنا كل يوم تقريبا

يلا

اول حاجة عايزة اعرفها ليكم ان مش كل الرجالة زى بعضها انتى بتشوفى مواقف ومشاكل فى الركن هنا اكيد بتستفادى منها وبتفيدى فيها وبتحاولى تتجنبى الاخطاء علشان متقعيش في نفس المشكلة

عايزة اقولك ان اى راجل بيكون عجينه فى ايدك بتشكليها من اول خطوبتك مش معنى كدة انه ضعيف الشخصية لا ابدا هو بيحبك فمش عايز يضايقك

تانى حاجة لازم يكون فيه تفاهم بينكم لان لو مفيش تفاهم الحب بيضيع وتوصلى لمرحلة انك حتى لو بتحبية من كتر المشاكل خلاص مش طيقاه

فلازم التفاهم علشان كل واحد يبقى عارف ايه اللى بيضايق التانى وايه اللى بيحبه

لو فى حاجة مش عجباكى فيه وعايزة تغيريها مستحيل الحاجة دى تتغير بين يوم وليلة لازم يكون عندك صبر لان كل حاجة بتيجى واحدة واحدة

هقولك مثال يعنى مثلاخطيبك بيشرب سجاير وانتى عايزاه يبطلها وعايزاه تقوليله بطلها يبقى فى نفس اليوم يبطلها لا ياحبيبتى مش كدة لازم تقنعيه وتفهميه لانه مش هيبطلها بالمشاكل بينكم

وهتبقى مسالة عند وكرامة وانك بتمشى كلمتك عليه

طبعا بتضايقى من وجودة مع اصحابة عايزة اقولك انه مستحيل يستغنى عن اصحابة بسهوله الا اذا هو من نفسة عايز يستقل بحياته بعيد عن اصحابة لكن لو فرضتى عليه انه وجودة مع اصحابه بيضايقك هيعند معاكى وهتفضلوا فى مشاكل

اهم حاجة كمان انك لما تكونى زعلانه من حاجة معاه اول باول تقولى عليها مش تشيلى فى نفسك ويجى يكلمك وتكونى مخنوقة ويقولك صوتك ماله تقوليله مفيش يابنتى مالك مفيش هو هيتخنق منك وهتقلب خناقة

وكمان بلاش الخصام فترة طويلة البعد بيعلم الجفا وهيتعود على البعد انما لو كان فى زعل بينكم وفى نفس اليوم حليتوا المشكلة باى شكل يبقى عمركم ماهتقدروا يعدوا عليكم كام يوم متخاصمين

حاجة كمان مهمة لازم تعرفى ان الراجل طفل كبير مهما كبر فهو طفل يعنى بالكلمة الحلوة والتعامل الكويس عمرة ماهيقدر يستغنى عنك شوفى الام بتعمل مع طفلها ايه

دايما متخبيش عليه حاجة مش كل حاجة يعنى تقوليها بس لازم تحسسيه انك بترجعيله فى اى حاجة هيحبك اكتر والله لانه هيحس انك مسئوله منه

اخر حاجة بقى اوعى تفقدى الثقة بنفسك حتى لو كنتى معندكيش ثقة لازم يحس وتحسسيه انك واثقة من نفسك

لو عجبكوا الموضوع قيموا وسلامى ليكم ياصفصوفات

مخطوبة..... وعايزة تعيشى اجمل فترة فى حياتك من غير خناقات يبقى لازم تدخلى 0-23_4

التقييم

+++++++++++++++++++

تسلمى يامرمر مواضيعك هايله

تسلموا صفصوفاتى على مشاركتكم وتقيمكم

» رسالة لكل بنوته مش مخطوبةاو فى فترة المراهقة
» رسالة الى كل مخطوبة
» اللى مخطوبة تدخل قبل ماتيجى الطوبة فى المعطوبة ههههههه
» عايزة جسمك يبقى قشطة تعالى ورايا واسالى مجرب
» اداب التعامل اثناء فترة الخطوبة