اسعد امراة فى العالم

السلام عليكم ورحمة الله وبركاته



حبيباتي اول حاجه نبدى بيها كلامي ونعطر بيها لساني

الصلاه والسلام على افضل المرسلين وخاتم الانبياء

يلا كلو يصلي الاول بعدين تنزلي تحت





جبتلكم اليوم الوصفه السحريه اللي حتخليكي اجمل امراه في العالم كلو


شيفاكم بتقولو ايه هي الوصفه السحريه قولي وخلصينا

حدخل في الموضوع لكن كملو قرايه لغايه الاخر

مش تقرو اول سطرين وبعدها تمشيو

يلا شمري كمك واستعدي حننطلق ونبتدى احلى مشوار في انك


تحققي حلمك وتكوني احلى مزه وكل الناس تحبها

حنقسم العمل لقسمين قسم خارجي وقسم داخلي




القسم الخارجي


جسمك


كتير مننا بيحتاس فيه اللي قصيره عايزه تكون طويله او العكس

او جسمي غامق من اماكن معينة او كلو جسمي مش مشدود وعندي ترهلات

انا سمره ومش بيضه انا لوني مش عجبني عايزاه يكون ابيض صافي



احب اقلك واقول لنفسي قوله تعالى﴿ لَقَدْ خَلَقْنَا الْإِنْسَانَ فِي أَحْسَنِ تَقْوِيمٍ ﴾[سورة التين]



شفتو كلام ربنا لينا خلقنا في احسن تقويم واحسن خلقنا


ولا يكون لهذا الإنسان قيمة عند ربه سبحانه إلا بإيمانه وعمله الصالح،

ودي نعمه واحده مابين النعم اللي انعم بيها ولازم نشكرو عليها

مش مجرد اني عندي عيب صغير مش باين اصلا ابقى كارهه جسمي

كلو وكل مره اشوفو ببقى مش طيقاه حبي جسمك لانو ربنا للي اعطاكي اياه

بدون مقابل ومدفعتيش فيه اي فلوس ومش طالب مننا غير اننا نعبدو بس.




شفايفك
عايزاها تبقى منوره وورديه


خليها دايما مفتوحه لذكر لله


مبتسمة في وجه الناس فالابتسامة في وجه الناس صدقه

كما قال رسول الله - صلى الله عليه وسلم - ( أنكم لن تسعوا الناس بأموالكم فليسعهم منكم بسط الوجه وحسن الخلق) رواه مسلم



عنيك
كحليها بملكوت الله وخليها تشوف كل حاجه جميله خلقها ربنا


وغمضيها عن كل حاجه تغضب ربنا وامرنا مانشوفهاش

لو عملتي كده عنيكي حيبقى فيها بريق بيلمع صافي


زي لون التلج لانها مابتشوفش غير الحلاااال





لسانك
عطريه بالاذكار وحتشوفي ريحتو عامله ازاي



انفك
خليه مايشمش غير ريحت سجاده الصلاه بتاعتك وميفارقهاش ابدا



جبهتك
خليها دايما لازقه في سجاده الصلاه ومتلقاش راحتها غير فيها




ايديك
ممدوده للخير دايما وبتمسحي بها دموع الناس

ونعومتها حتبقى بلمست الحنيه اللي فيها





ريجليكي
خليها دايما توديكي للخير وتشيلك حتى تقدري توصلي


وتساعدي اللي محتاج ليكي.





القسم الداخلي




اخلاقك
هي تاج راسك كل ماتخليتي عليها التاج بيوقع منك

خليكي احلى اميره متزينه بيها مش عشان مناسبه معينه

لا دي زينه دايما معاكي وجواكي وحتروحي بيها اي مناسبه




انوثتك
هي حشمتك في لبسك ومشيتك

حيائكي الذي يجعلو منك جوهره نادره

لا يتمتع بجمالها الا اذا كان حلالها




قلبك
يخفق بحب الله اولا صافي نقي

لامكان فيه للحقد او الكراهية

محب للخير معطاء متسامح كريم





عفتكي
اعز ماتملكين احرصي على صونها

فهي اعز ماتملكين فصونيها فهي مفخرتكي وعزه نفسك




دينك
هو فخركي وسر سعادتكي

لا تتركيه من اجل شهوه عابره او لحظه شيطان

ان التزمنا بهذه الاشياء سوف تصبحين اميره

داخل قصر الملوك لا يصل اليها الا من كان اميرا

متلها بدينه واخلاقه

انا حبيت اكتب ليكم هذا الكلمااااااااات


مش حبيت استشيخ او افتي


دا كلام طالع من قلبي

بقولو ليكم ولنفسي


اتمنى انو يعجبكم وتستفيدو منو

انا مش حطلب منكم تقيمو لكن ارفعو الموضوع


يمكن يقراه حد يكون محتاج يسمع متل هذا الكلااااااام



وربنا يهدينا جميعا وينور بصيرتنا



اسفه طولت عليكم




دمتم في رعايه الله










منقول للافادة